Пуціна зацікавіла ідэя Зяленскага пра сустрэчу кіраўнікоў шасці краін у Мінску
Прэзідэнт Расіі Уладзімір Пуцін назваў цікавай ідэю ўкраінскага лідара Уладзіміра Зяленскага пра сустрэчу ў Мінску з удзелам прадстаўнікоў шасці краін: Расіі, Украіны, Германіі, Францыі, Вялікабрытаніі і ЗША, піша РБК.
«Гэта можа быць цікава», — адзначыў Пуцін.
«Мы ніколі не адмаўляліся ні ад аднаго з прапанаваных фарматаў, у тым ліку ад пашырэння нармандскага фармату», — сказаў Пуцін.
«Але, па-першае, гэты нармандскі фармат і сустрэча на вышэйшым узроўні павінны быць добра падрыхтаваны, гэта відавочная рэч», — сказаў ён. «Па-другое, больш-менш пра нешта можна будзе казаць пасля канчатковага фарміравання новага ўрада Украіны і правядзення выбараў у парламент краіны», — працягнуў прэзідэнт Расіі.
«Па-трэцяе, я не ведаю, як рэагуюць [на гэтае запрашэнне] іншыя ўдзельнікі прапанаванага фармату», — дадаў Пуцін.