Даслаць навіну
Знайсці
10.07.2019 / 21:52 6

«Сяброўства важнейшае за перамогу»: БАТЭ згуляў унічыю з польскім «Пястам» — ВІДЭА галоў

Барысаўскі БАТЭ стартаваў у Лізе чэмпіёнаў сезона 2019/2020. У супернікі чэмпіёну Беларусі дастаўся не самы просты клуб, а менавіта пераможцы польскага першынства — «Пяст» з горада Глівіц.

Павялічыць выяву

Пікантнасці супрацьстаянню дадаваў той факт, што фанаты БАТЭ ўжо вельмі даўно сябруюць з фанатамі «Пяста». На сектары барысаўцаў заўсёды можна пабачыць эмблему польскай каманды, тое самае адбываецца і ў Глівіцах.

Павялічыць выяву

І да сустрэчы на «Барысаў-Арэне» фанаты падрыхтавалі яркі перформанс, а менавіта на фан-сектары БАТЭ быў узняты вялізны банер з надпісам па-беларуску «Сяброўства важнейшае за перамогу». Некалькі разоў з сектара жоўта-блакітных было чуваць «Пяст, Пяст».

Павялічыць выяву

На першы матч у Барысаве на трыбунах сабралася больш за 11 тысяч чалавек. Дзіўна, што не было аншлагу, хаця цана на білеты зусім не кусалася (4—11 рублёў). Зрэшты, нават і так падтрымка камандзе была забяспечаная на ўзроўні.

Павялічыць выяву

Ужо ў самым пачатку гульні, лічы на роўным месцы, зламаўся цэнтральны абаронца БАТЭ Ягор Філіпенка. Гэта той чалавек, вакол якога і будуецца гульня каманды на задняй лініі. На жаль, у будучыні гэта не вельмі добра адгукнецца для нашага чэмпіёна.

Павялічыць выяву

Першы тайм, было ўражанне, каманды ўвогуле хацелі адгуляць без небяспечных момантаў ля абодвух варотаў. Асабліва ў гэтым плане стараўся БАТЭ. Першы сапраўды востры момант у гаспадароў узнік толькі на 33-й хвіліне, калі Стасевіч атрымаў мяч у штрафной. Паўабаронца прыбраў на замаху абаронцу, але нейкім чынам той усё адно змог блакіраваць удар.

Павялічыць выяву

Фактычна ўжо ў наступнай атацы «Пяст» змог забіць. Калі з ударам іспанскага легіянера Хорхе Гарсіі брамнік беларусаў Чычкан справіўся, то на дабіванні Пятру Пажышэку не было каму перашкодзіць. Ён галавой прабіў мяч проста па цэнтры варот — 0:1.

Павялічыць выяву

Павялічыць выяву

Калі зірнуць на статыстыку ўдараў па варотах за першы тайм, то для БАТЭ яна проста катастрафічная — 1:10. Хаця на справе не скажаш, што «Пяст» аж настолькі дамінаваў на полі.

Другі тайм падначаленыя Аляксея Багі пачалі значна весялей. У выніку яны змаглі «падсадзіць» на жоўтыя карткі адразу трох гульцоў чэмпіёна Польшчы. Гульцы «Пяста», якія зусім нядаўна выйшлі з адпачынку, проста не паспявалі за хуткімі хлопцамі ў жоўтай форме.

Павялічыць выяву

У выніку перавага БАТЭ ўсё ж дала пра сябе ведаць. На 64-й хвіліне гульні вырашальнай аказалася якраз хуткасць. Фантастычны забег па левай броўцы прадэманстраваў Ігар Стасевіч. Ён змог прастрэліць у штрафную, дзе на перадачу адгукнуўся Стас Драгун. Ягоны ўдар у далёкі кут па сваёй дакладнасці быў дасканалым — 1:1.

Потым, на жаль, БАТЭ зноў неяк адціснуўся на сваю палову поля. Аднойчы Чычкан паказаў выдатнае майстэрства пасля стрэлу гульца «Пяста». На апошняй хвіліне гульні да чырвонай карткі дагуляўся паўабаронца БАТЭ Станіслаў Драгун. Без яго ў Польшчы нашай камандзе будзе надзвычай цяжка.

Гульня ў апошнія хвіліны перарастала ў сапраўдную бойку. Не дужа ўдалае судзейства таксама гэтаму дапамагала. Яднанне на трыбунах між фанатамі, а вось гульцы між сабой перамогі яўна не падзялілі.

Павялічыць выяву

Матч так і скончыўся з нічыйным лікам 1:1. Гульня ў адказ адбудзецца ў Глівіцах 17 ліпеня, пачнецца яна а 21 гадзіне па мінскім часе. У Польшчы БАТЭ трэба абавязкова перамагаць, альбо гуляць унічыю мінімум 2:2.

Зміцер Панкавец, фоты Надзеі Бужан

2
еуые / адказаць
11.07.2019 / 01:52
суддзя турак мае мужа
1
Жвір / адказаць
11.07.2019 / 09:57
Šancy na pospiech zastajucca roūnymi. BATE calkam u stanie pieramahčy paliakaū u druhoj huļni.
1
Мiця Выкручанскi / адказаць
11.07.2019 / 11:24
...играли плохо, в Польше будут играть ещё хуже !...
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
верасень кастрычнік лістапад
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31