Знайсці
09.07.2019 / 22:0215РусŁacБел

«Паляўнічыя на мігрантаў» збілі ў Беластоку гарадзенца 

Аляксандр Лаўрэнцьеў. Фота Hrodna.Life.

Актывіста з Горадні Аляксандра Лаўрэнцьева і расейскага актывіста Алега Савіна зьбілі ў Беластоку. Абодва былі ў майках з выявай Пагоні і надпісам Belarus, піша «Радыё Свабода».

Мужчыны цяпер часова працуюць у Польшчы. Падзеі адбываліся побач з інтэрнатам, дзе яны жывуць.

Як расказаў Аляксандр Лаўрэнцьеў, напад адбыўся ўвечары 29 чэрвеня. Яны з сябрам адпачывалі каля інтэрната. Раптам падышла кампанія невядомых маладых людзей і без бачнай прычыны пачала зьбіваць іншых маладзёнаў, якія былі побач.

Калі тыя ўцяклі, нападнікі пераключыліся на Лаўрэнцьева і Савіна. Білі па тулаве, твары, галаве. Нападнікі — мужчыны ва ўзросце 25—30 гадоў, іх было 4 або 5. Падчас бойкі хлопцы паўтаралі: «Едзьце дадому. Мы яшчэ вернемся». Нехта пагражаў парваць майку з Пагоняй.

У згаданых інтэрнатах на вуліцы Звярынецкай жывуць іншаземцы, што прыехалі ў Беласток на заробкі.

Завялі крымінальную справу. Ці знайшлі нападнікаў, пацярпелыя хлопцы пакуль не ведаюць.

Па іхніх словах, раней пра бойкі на нацыянальнай глебе ў гэтым раёне Беластока не было чуваць.

Аляксандар Лаўрэньцьеў вядомы пэрфомансамі ў Горадні, калі ён апранаўся ў турэмную робу, каб заявіць пра абмежаваньне сваіх правоў, і ставіў намёт перад гарадзкой адміністрацыяй, каб прыцягнуць увагу да жыльлёвых праблемаў у горадзе.

​Алег Савін пасьля анэксіі Крыму зладзіў акцыю ў Калінінградзе перад мясцовай адміністрацыяй, узьняўшы нямецкі сьцяг.

Радыё Свабода

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера