Прэзідэнт Грузіі заклікала кіраўніцтва Расіі не паддавацца на эскалацыю
newsgeorgia.ge
«Я заклікаю кіраўніцтва Расіі не паддавацца на эскалацыю», - заявіла прэзідэнт Грузіі Саламэ Зурабішвілі на брыфінгу сёння. Паводле яе слоў, мірная палітыка з'яўляецца адзіным шляхам для захавання стабільнасці ў краіне і рэгіёне, паведамляе apsny.ge
«Я заклікаю кіраўніцтва Расіі не паддавацца на эскалацыю. Будзе парадокс, калі суседняя краіна адкажа на правакаванне, распачатае па яе ж характарыстыцы «радыкальнымі сіламі» і гэтым будзе спрыяць дэструктыўным мэтам. Таксама хачу падкрэсліць і тое, што наша мірная палітыка з'яўляецца адзіным шляхам для захавання стабільнасці ў краіне і рэгіёне.
Звяртаюся да нашых грамадзянаў, якія пражываюць у Расіі, я — ваш прэзідэнт, і ваш дабрабыт вельмі важны для нас. Я ведаю, што ўлады зробяць усё, што можна зрабіць у дадзенай сітуацыі, каб вы працягвалі жыць мірна і стабільна», — адзначыла Зурабішвілі.
Сёння Дзярждума Расіі заклікала ўрад ўвесці санкцыі супраць Грузіі. Адпаведную заяву «Аб магчымых дадатковых эканамічных мерах у сувязі з антырасійскімі правакацыямі ў Грузіі» прынялі аднагалосна.
7 ліпеня ў эфіры тэлеканала «Руставі 2» тэлевядучы Георгій Габунія нецэнзурна абразіў Пуціна. Афіцыйныя ўлады Грузіі падвергнулі дзеянні вядучага крытыцы; кіраўніцтва канала адхіліла яго ад эфіру на два месяцы, але адмовілася звальняць.
