Беларусбанк папярэджвае пра новую схему махлярства ў інтэрнэце

Беларусбанк інфармуе сваіх кліентаў аб махлярстве з выкарыстаннем метадаў сацыяльнай інжынерыі.

Зламыснік пад выглядам пакупніка звязваецца з ахвярай - прадаўцом якога-небудзь тавару ў інтэрнэце. Як правіла, выбірае аб'явы, размешчаныя на бясплатных сайтах. Пад маркай унясення закладу просіць прадаўца перадаць рэквізіты карты або, напрыклад, смс-код.

Таксама зламыснік можа прадаставіць спасылку на несапраўдны сайт банка, падобны на афіцыйны, з аналагічным адрасам. Пасля гэтага ён атрымлівае доступ да інтэрнэт-банкінгу прадаўца і здымае грошы з рахункаў.

Беларусбанк просіць грамадзян быць уважлівымі, а ўсіх, хто сутыкнуўся з падобнай сітуацыяй, звярнуцца ў праваахоўныя органы.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0