Даслаць навіну
Знайсці
09.07.2019 / 10:51 6

У цэнтры Мінска з'явілася прыгожая парасонавая алея ФОТЫ, ВІДЭА

Павялічыць выяву

У ноч на 9 ліпеня на шматпакутнай ад дажджу вуліцы Камсамольскай з'явілася 140 рознакаляровых парасонаў. Раней мінчукі прывозілі фатаграфіі з мноствам парасонаў з Лісабона або Барселоны, але цяпер па яркія сэлфі далёка ездзіць не трэба. Абноўлены ўчастак «пешаходкі» атрымаў неафіцыйную назву «Камфортная алея».

Павялічыць выяву

Павялічыць выяву

У панядзелак мінчукі звярнулі ўвагу на новую металічную канструкцыю. Ідэі наконт яе прызначэння гучалі самыя розныя. Канал «Чай з малінавым варэннем» іранічна параўнаў каркас з купалам чарнобыльскага рэактара. Сапраўдная ж мэта інсталяцыі — дружалюбная і пазітыўная.

Павялічыць выяву

Павялічыць выяву

Канструкцыя немалая: 32 метры ў даўжыню і амаль 6 у шырыню.

Павялічыць выяву

Са стварэннем такой алеі Беларусь далучылася да Umbrella Sky Project — акцыі, у межах якой вуліцы з дзясяткамі парасонаў з’яўляюцца па ўсёй Еўропе: Лісабон, Барселона, Вена, Кіеў, Санкт-Пецярбург.

Праект ажыццявіла кампанія velcom | A1. Сёлета брэнд ператвараецца з velcom у А1, мяняе і фірмовыя колеры: з жоўтай гамы — у бела-чырвоную. Таму і парасонавая кампазіцыя складаецца з трох фарбаў.

Павялічыць выяву

Павялічыць выяву

Вуліца Камсамольская ў гістарычным цэнтры — адна з нешматлікіх пешаходных зон у Мінску. Тут шырокая прастора для прагулак, мноства лавак, якія змяшчаюць больш за дзвесце чалавек, вечаровае асвятленне з гірляндаў і ліхтароў пад даўніну. Як на любой пешаходцы, тут ёсць кавярні і сувенірныя крамы. Каларыт вуліцы дадаюць невысокія будынкі 19 стагоддзя і вялікі гадзіннік са старадаўнім механізмам на скрыжаванні з другой пешаходнай вуліцай — Рэвалюцыйнай.

Усе фотаздымкі, зробленыя на беларускай парасонавай алеі ініцыятары праекта прапануюць адзначаць хэштэгам #комфортнаяаллея.

Падпісвайцеся на інстаграм НН — глядзіце яркія фотаздымкі

NN.by

1
Маланка / адказаць
09.07.2019 / 14:52
Хіба грувасткая металічная канструкцыя - гэта прыгожа?
5
Максим Дизайнер / адказаць
09.07.2019 / 16:05
Медны канцлер,

Так а зачем беларусам бары?Они же прячутся друг от друга, как партизаны от немцев. Не курят, не пьют, все мечты про заграничные бары. Зачем им свои? 
2
Вожык / адказаць
09.07.2019 / 20:41
Беларусу не давай прыгажосцi, не давай спакою, радасцi. Дай лайном памазаць новае, цiкавае, пекнае - вось яму будзе добрая забаука. Жах, людцы родныя... ((
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31