Даслаць навіну
Знайсці
09.07.2019 / 11:36 23

Пілігрымка з Віцебска ў Полацк не выйдзе: ад вернікаў запатрабавалі аплаціць паслугі спецыяльных службаў

25-я Юбілейная пілігрымка Віцебск — Полацк, якая мела праходзіць з 9 па 13 ліпеня пад дэвізам «Хрыстус жыве», не выйдзе з-за таго, што вернікі не могуць аплаціць паслугі спецыяльных службаў. Пра гэта паведаміў Catholic.by айцец Яўген Усошын, канцлер курыі Апостальскага візітатара для грэка-католікаў Беларусі архімандрыта Сяргея Гаека.

Павялічыць выяву

Фота: westki.info

Па словах святара, у адказ на скіраваную арганізатарамі ў Віцебскі аблвыканкам просьбу быў атрыманы дазвол на правядзенне пілігрымкі. Аднак адна з умоваў, высунутых уладамі, прадпісвала вернікам аплаціць паслугі спецыяльных службаў — міліцыі, медыкаў, супрацоўнікаў камунальнай гаспадаркі і гэтак далей, як гэта прадугледжана зацверджанымі нядаўна беларускім урадам новымі правіламі правядзення масавых мерапрыемстваў.

Паколькі супольнасць Грэка-Каталіцкай Царквы ў Беларусі не мае сродкаў на аплату паслугаў згаданых службаў, якія фінансуюцца за кошт падаткаў беларускіх грамадзянаў, пілігрымка з Віцебска ў Полацк 9 ліпеня не выйдзе.

Гэтую інфармацыю ў тэлефоннай размове пацвердзіў Catholic.by і сам Апостальскі візітатар для беларускіх грэка-католікаў айцец архімандрыт Сяргей Гаек.

Нагадаем, што 24 студзеня Савет міністраў Рэспублікі Беларусь прыняў пастанову № 49 «Аб зацвярджэнні Палажэння аб парадку аплаты паслуг па ахове грамадскага парадку, якія аказваюць органы ўнутраных спраў, расходаў, звязаных з медыцынскім абслугоўваннем, прыбіраннем тэрыторыі пасля правядзення на ёй масавых мерапрыемстваў».

Канферэнцыя Каталіцкіх Біскупаў у Беларусі звярнулася ў Савет міністраў з пытаннем, ці гэтая пастанова датычыцца таксама правядзення рэлігійных масавых мерапрыемстваў — працэсій, пілігрымак і іншых абрадаў і цырымоній з удзелам вернікаў.

У адказе з боку ўрада, падпісаным 15 мая былым міністрам унутраных спраў Рэспублікі Беларусь Ігарам Шуневічам, было сказана, што дзеянне вышэйзгаданай пастановы не распаўсюджваецца на рэлігійныя мерапрыемствы.

Catholic.by

0
Inger / адказаць
10.07.2019 / 07:22
Жвір, ú takim razie adsylajuVas da pierszaha kamientara...
0
Жвір / адказаць
10.07.2019 / 09:54
Inger,
adsylajuVas da pierszaha kamientara...
I ja Vas da piersaha...:)
 
0
Inger / адказаць
10.07.2019 / 10:18
A mahczyma zacepka ú hetym:  "Согласно законодательству о массовых мероприятиях, денежных выплат за обслуживание не требуют в том случае, если государство становится соорганизатором мероприятия." Vydrana na Chartyi tol'ki szto, paszukajcie, tam kinuta inicjatyva indyvidual'nych pilihrymak.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31