Даслаць навіну
Знайсці
08.07.2019 / 18:26 10

Беларусь не зможа павысіць узровень вады ў рацэ Вілія, як гэтага прасіла Літва

Беларусь не зможа павысіць узровень вады ў рацэ Вілія, каб папоўніць недахоп водных рэсурсаў на літоўскай тэрыторыі, лічыць дырэктар РУП «Цэнтральны навукова-даследчы інстытут комплекснага выкарыстання водных рэсурсаў» Аляксандр Станкевіч, піша Interfax.by.

Павялічыць выяву

«У Беларусі такія ж кліматычныя ўмовы, як і ў Літве. На жаль, лішку вады няма. Наяўны запас у Вілейскім вадасховішчы неабходны для забеспячэння воднага балансу на тэрыторыі Беларусі, у тым ліку для забеспячэння пітной вадой каля 30% насельніцтва Мінска», — сказаў Станкевіч.

Раней літоўскія СМІ паведамілі, што міністр навакольнага асяроддзя Літвы Кястуціс Мажэйка звярнуўся ў міністэрства прыродных рэсурсаў і аховы навакольнага асяроддзя Беларусі з просьбай дапамагчы аднавіць узровень ракі Вілія, якая працякае па Беларусі і Літве.

«Сітуацыя, што склалася з узроўнямі вады ў рацэ Вілія знаходзіцца ў межах натуральных ваганняў узроўневага рэжыму, што на гэты момант характэрна і для большасці іншых рэк Беларусі. Асноўная прычына гэтай сітуацыі — малая колькасць ападкаў у першай палове 2019 года. Пры павелічэнні колькасці ападкаў сітуацыя значна палепшыцца», — адзначыў Станкевіч.

Паводле яго слоў, тэарэтычная магчымасць павелічэння падачы вады з Вілейскага вадасховішча таксама стрымліваецца нявызначанасцю гідраметэаралагічнага прагнозу.

Пры гэтым ён адзначыў, што ў Беларусі не праводзіліся работы, якія маглі паўплываць на ўзровень вады ў Віліі.

Interfax.by

7
Брыдкая пачвара / адказаць
09.07.2019 / 09:59
Той самы, у мїнулым годзе быў залішак вады , шмат падтапіла палеткаў, і беларускі бок прасіў літоускі спусціць гэты залішак праз Вілію. Аднак літоўцы адмовіліся, і вось цяпер усё ім абарочваецца. Ды і вада патрэбна да нашых жывел і раслін, а яшчэ працуе Вілейская міні -ГЭС
0
Скураныя крылы / адказаць
09.07.2019 / 13:43
Брыдкая пачвара,нехта павінен зрабіць першым крок, каб надалей справа пайшла па-суседску.(хоць у гэтых пытаннях).  У мяне няма падстаў для недаверу, але я не знайшоў падрабязнасцей таго, што адбылося летась (ці былі там крытычныя ўмовы).

0
Ян Севярын Бакей / адказаць
09.07.2019 / 20:08
Брыдкая пачвара,кажаце, у мінулым годзе быў лішак вады? і чаму ж гэта тады па Гарадзеншчыне і Берасьцейшчыне сотнямі і тысячамі гектараў сьпісваліся выгарэлыя  на карню ад сьпёкі палеткі ? і як гэта летувісы -хаця б гіпатэтычна- могуць перашкодзіць Беларусі скідваць ваду хоць ў Вілію, хоць у Нёман, калі гаворка ідзе пра кантраляваны падвышаны скід, а не пра аварыйныя прарывы дамбаў? вось пойдуць зацяжныя дажджы, падымецца Вельля на метар-два,і што? ноту пратэсту прышлюць? дамбу паставяць?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31