Крэмль: Прапанову Зяленскага пра сустрэчу з Пуціным у Мінску разгледзяць
У Крамлі разгледзяць прапанову прэзідэнта Украіны Уладзіміра Зяленскага аб сустрэчы ў Мінску разам з прэзідэнтам Расіі Уладзімірам Пуціным з удзелам Вялікабрытаніі, ЗША, ФРГ і Францыі. Пра гэта заявіў прэс-сакратар прэзідэнта Расіі Дзмітрый Пяскоў, паведамляе ТАСС.
«Я пакуль што не гатовы адказваць, гэта абсалютна новы фармат. Трэба зразумець, ці ёсць перспектывы ў такой сустрэчы, трэба зразумець, што гэта за новы фармат прапануецца. Гэта новая ініцыятыва. Безумоўна, яна будзе разгледжана, але пакуль што не магу даць нейкай рэакцыі», — заявіў Пяскоў.
Паводле яго слоў, ЗША не з'яўляюцца ўдзельнікамі нармандскага працэсу і гэта ўскладняе магчымасць правядзення сустрэчы такога фармату.
«Як быць з мінскімі дамоўленасцямі, пад якімі стаяць подпісы ўдзельнікаў нармандскага працэсу, але не стаяць подпісы прадстаўнікоў ЗША», — заявіў прэс-сакратар Пуціна.
