Жаночая зборная ЗША па футболе выйграла чэмпіянат свету
Зборная ЗША выйграла ў зборнай Нідэрландаў у фінальным матчы жаночага ЧС — 2:0.
#USA HAVE WON THE #FIFAWWC 2019! #LaGrandeFinale | #USANEDpic.twitter.com/sjDVeuXSXo
Забітымі мячамі ў гульні адзначыліся Меган Рапіна (з пенальці) і Роўз Лавель, піша Еўраспорт. Фінальны матч адбыўся ў французскім Ліёне.
1 - USA's Megan Rapinoe is the first player to score a penalty in a Women's World Cup final, as well as becoming the oldest scorer in a final (34 years 2 days). Composed. #FIFAWWC#USANEDpic.twitter.com/hKGkZIMS6d
Лепшым гульцом сустрэчы і ўсяго чэмпіянату прызнаная форвард амерыканскай каманды Меган Рапіна.
Рапіна — тая самая футбалістка, якая падчас турніру рэзка раскрытыкавала Дональда Трампа. На пытанне інтэрв'юера, ці пойдзе яна ў Белы дом у выпадку перамогі на ЧС, Меган заявіла літаральна наступнае: «Я не пайду ў сраны Белы дом. Не, мяне там дакладна не будзе. Хоць нас усё адно не збіраюцца запрашаць. Вельмі сумняюся, што паклічуць».
У адказ на грубыя словы футбалісткі Трамп заявіў, што ёй не варта праяўляць непавагу ў адносінах да краіны, Белага дома і амерыканскага сцяга. Пры гэтым прэзідэнт ЗША завочна запрасіў жаночую зборную да сябе ў рэзідэнцыю — яшчэ да таго, як амерыканкі заваявалі ў чацвёрты раз тытул лепшых футбалістак у свеце.
У матчы за трэцяе месца зборная Англіі саступіла зборнай Швецыі (1:2).
Чэмпіянаты свету сярод жанчын праводзяцца з 1991 года.
