Даслаць навіну
Знайсці
08.07.2019 / 10:30

Кіно пад адкрытым небам, лекцыя, дэгустацыя — чым парадуе Мінск на гэтым тыдні

1. Кінавечар у Silent-фармаце «Сinemascope»

10 ліпеня вас запрашаюць паглядзець фільмы пад адкрытым небам у самым цэнтры Мінска. Пакажуць кароткаметражкі швейцарскага рэжысёра Жоржа Швіцгебеля. Пачуць гук фільмаў змогуць толькі тыя, хто скарыстаецца бесправаднымі слухаўкамі. Але не трэба турбавацца, пра гэта паклапаціліся арганізатары — слухаўкі вы зможаце атрымаць на месцы перад пачаткам прагляду кінастужак.

Каб паглядзець незвычайныя фільмы, трэба зарэгістравацца.

Павялічыць выяву

Дзе: Плошча Якуба Коласа, Мінск

Калі: 10 ліпеня (серада): 19:00, 19:30, 20:00

Колькі: бясплатна

2. Канцэрт Our Last Night

Майстры меладычнага пост-хардкора і гуру крутых кавераў вяртаюцца ў Мінск — хлопцы вязуць нам новы альбом «Let Light Overcome», рэліз якога адбыўся гэтай вясной.

Квіткі на канцэрт можна набыць на bezkassira.by. Але варта прыспешыцца, іх засталося не так шмат.

Дзе: Re:Public (Мінск, вул. Прытыцкага, 62)

Калі: 11 ліпеня (чацвер), 19:00

Колькі: 55.00 BYN

3. Цыкл нясумных лекцый «Корпус кажа»

Кожны панядзелак «Корпус» запрашае на адукацыйныя сустрэчы. 8 ліпеня шэсць маладых і таленавітых дактароў выступяць з міні-лекцыямі (да 10 хвілін), на якіх закрануць пытанні сваіх спецыяльнасцяў і падрабязна раскажуць пра галоўнае.

На лекцыі вы даведаецеся:

- як правільна аказваць першую дапамогу пры ўтапленні;

- што рабіць, калі дзіця праглынула штосьці дробнае (напрыклад, лега) і пачынае на вашых вачах сінець і задыхацца;

- як бяспечна адбяліць зубы і ці працуюць сучасныя разрэкламаваныя прыборы для адбельвання зубоў?

- праўдзівыя чуткі пра шкоду лазернай карэкцыі зроку ці гэта ўсяго толькі міфы?

Хаця мерапрыемства і называецца «лекцыяй», пытанні і каментары рознага кшталту толькі вітаюцца.

Дзе: «Корпус» (Мінск, пр-т. Машэрава, 9/8)

Калі: 8 ліпеня (панядзелак), 20:00

Колькі: бясплатна

4. Дэгустацыя віна Proba

11 ліпеня ў Мінску пройдзе Proba — дэгустацыя, пабываўшы на якой вы навучыцеся выбіраць добрае віно і пры гэтым не аддаваць вялікія грошы.

Proba — новы і свежы фармат віннай дэгустацыі. У прыемнай атмасферы пад электронную музыку госці змогуць даведацца шмат новага пра напой.

Набыць квіток на дэгустацыю можна на сайце арганізатараў.

Памятайце: празмернае ўжыванне алкаголю шкодзіць вашаму здароўю.

Дзе: Post Bar (Мінск, вул. Ракаўская, 20)

Калі: 11 ліпеня (чацвер), 19:00

Колькі: 45.00 BYN

Больш падзей — кіно, спектаклі, канцэрты — шукайце на Afisha.nn.by

NN.by

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30