Даслаць навіну
Знайсці
07.07.2019 / 12:38 5

Брытанскі пасол у ЗША ў сакрэтных тэлеграмах называў Трампа «некампетэнтным» і «ні на што не здольным»

Павялічыць выяву

whitehouse.gov

Выданню Daily Mail, як піша РБК, стаў вядомы змест тэлеграм, адпраўленых паслом Вялікабрытаніі ў ЗША Кімам Дэракам (Kim Darroch) ў МЗС сваёй краіны, у якіх ён называе прэзідэнта ЗША Дональда Трампа «ні на што не здольным», «некампетэнтным» і «небяспечным». Крыніца ва ўрадзе Вялікабрытаніі пацвердзіла CNN іх сапраўднасць.

У прыватнасці, як паведамляе выданне, Дэрак выкарыстаў сакрэтныя тэлеграмы і запіскі, каб папярэдзіць урад Вялікабрытаніі аб тым, што «кар'ера Трамп можа скончыцца ганьбай», і апісваў канфлікты ў Белым доме як «бойкі на нажах». Адпраўленыя тэлеграмы ахопліваюць перыяд з 2017 года па сённяшні дзень.

«Мы не верым, што адміністрацыя [Дональда Трампа] стане ў значнай ступені больш нармальнай, менш недзеяздольнай, менш непрадказальнай, менш расколатай, менш нязграбнай у сферы дыпламатыі і менш некампэтэнтнай», — цытуе Daily Mail адну з тэлеграм.

Белы дом адмовіўся ад каментароў, паведамляе CNN. Форын офіс у сваім каментары заявіў, што меркаванні паслоў неабавязкова супадаюць з меркаваннем уладаў Вялікабрытаніі.

«Брытанская грамадскасць хацела б, каб нашы паслы падавалі міністрам сумленную, непрыкрытую ацэнку палітыкі ў краіне, дзе яны працуюць. Іх погляды неабавязкова супадаюць з меркаваннем міністраў ці ўрада. Але мы плацім ім за тое, каб яны былі адкрытыя. Роўна гэтак жа, як і амбасадар ЗША тут будзе адпраўляць у сваю краіну свае нататкі пра палітыку Вестмінстэра і яго прадстаўнікоў», — гаворыцца ў заяве брытанскага МЗС.

Форын офіс таксама выказаў надзею, што міністры і іншыя прадстаўнікі ўлады будуць правільна адносіцца да падобных парад. «І вельмі важна, каб нашы паслы маглі даваць свае парады, захоўваючы іх канфідэнцыяльнасць. Наша каманда ў Вашынгтоне падтрымлівае цесныя адносіны з Белым домам і, без сумневу, будзе супрацьстаяць такім не вартым павагі паводзінам», — заявіў напрыканцы брытанскі МЗС.

NN.by

0
алекс / адказаць
07.07.2019 / 14:11
А трошкі матам ён яго не называў? Хоць не. Гэта відаць у іншых тэлеграмах ё)
3
меркаванне / адказаць
07.07.2019 / 14:15
Нездарма ж ён захапляецца пуціным, бо той за трампа радзеў як мог- са ўсех сваіх гэбісцкіх сілёнак.
3
меркаванне / адказаць
07.07.2019 / 18:14
"Президент России Владимир Путин — прекрасный парень, заявил глава Белого дома Дональд Трамп после встречи в Осаке на саммите G20, добавив, что беседа прошла отлично. По словам Трампа, они с Путиным обсудили много важных вопросов, в частности — сферу торговли". 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
верасень кастрычнік лістапад
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31