У Маладзечне пацыент не хацеў выходзіць з машыны хуткай дапамогі і ўдарыў кіроўцу. Той памёр

Раніцай 5 ліпеня ў Маладзечне загінуў кіроўца хуткай Сяргей Ш.

Вядома, што хуткая выязджала да мужчыны з эпілептычным прыпадкам. Пасля пацыента даставілі ў бальніцу №2.

Але ён не захацеў выходзіць з машыны. Пачаў супраціўляцца.

Тады кіроўца вырашыў дапамагчы дактарам.

«На просьбу выйсці з машыны кіроўца атрымаў удар, — распавяла «Наша Ніве» пляменніца загінулага. — Як так атрымалася, што ён загінуў, я не ведаю. Заключэння аб смерці пакуль няма».

Жанчына паведаміла, што пацыента затрымала міліцыя. Ці быў той пацыент п’яны, свядома ўдарыў кіроўцу ці выпадкова — высвятляецца.

Цяпер пацыент пад вартай.

Працяг: «Пацыент ударыў кіроўцу хуткай у твар. Але прычына смерці — тромб»

УШ

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0