Папа Францішак падарыў Пуціну медаль з надпісам «Усё можна страціць у вайне»

У чацвер, 4 чэрвеня, папа рымскі Францішак правёў перамовы з прэзідэнтам Расіі Уладзімірам Пуціным, перад якімі бакі абмяняліся падарункамі.

Як паведамляе РБК, пантыфік перадаў Пуціну гравюру з відам плошчы Святога Пятра працы Джузэпэ Вазі 1774 года і пасланне да Сусветнага дня міру 2019 года.

Акрамя таго, ён падарыў прэзідэнту Расіі медаль у гонар шостага года пантыфікату, прысвечаны 100-годдзю заканчэння Першай сусветнай вайны.

На медалі выгравіраваны надпіс: «Нішто не губляецца з мірам. Усё можна страціць у вайне». Гэта цытата з радыёзвароту папы Пія XII ад 24 жніўня 1939 года.

У сваю чаргу, Пуцін падарыў папу Францішку абраз з выявай апосталаў Пятра і Паўла, а таксама дыск з фільмам Андрэя Канчалоўскага «Грэх» пра Мікеланджэла.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0