ЦВК Украіны пад грамадскім ціскам адмяніў рэгістрацыю на выбары паплечніка Януковіча
Цэнтральная выбарчая камісія Украіны адмяніла рэгістрацыю экс-кіраўніка адміністрацыі Віктара Януковіча Андрэя Клюева і скандальнага прарасійскага блогера Анатоля Шарыя як кандыдатаў у народныя дэпутаты.
Аргументамі стала тое, што Андрэй Клюеў суправаджаў Януковіча пры перасячэнні мяжы з Расіяй. Акрамя таго, у снежні 2016 года Клюеў удзельнічаў у пасяджэннях суда ў Маскве, а міжнародная пошта ад следчых неаднаразова не даходзіла Клюеву ў Данецк. Такім чынам, Клюеў не жыве ва Украіне з 2014 года і не можа быць дэпутатам.
Таксама аднагалосна ЦВК адмяніў рэгістрацыю скандальнага блогера Анатоля Шарыя, які з'ехаў з Украіны яшчэ ў 2012 годзе.
Абодва палітыкі — Клюеў і Шарый — праследуюцца праваахоўнымі органамі Украіны.
Іх першапачатковая рэгістрацыя ў якасці кандыдатаў абурыла ўкраінскую грамадскасць. 2 ліпеня ўвечары на кіеўскі Майдан выйшлі некалькі сотняў грамадзян, якія выступілі супраць рэгістрацыі кандыдатамі ў дэпутаты Анатоля Шарыя і Андрэя Клюева.