Дэпутат Мартынаў: Студэнт можа ўзяць акадэмічны адпачынак, адслужыць у войску, а пасля вярнуцца. Нічога страшнага
Ігар Мартынаў
Сёння дэпутаты разглядаюць папраўкі ў законы па пытаннях эфектыўнага функцыянавання ваеннай арганізацыі дзяржавы. Мяркуецца, што адтэрміноўку ад прызыву на тэрміновую службу для працягу адукацыі ў Беларусі прапануецца прадастаўляць толькі адзін раз.
«Плануецца, што малады чалавек зможа толькі адзін раз атрымаць адтэрміноўку ад прызыву на тэрміновую ваенную службу для працягу адукацыі», — расказаў член Пастаяннай камісіі па нацыянальнай бяспецы Палаты прадстаўнікоў Ігар Мартынаў. Ён падкрэсліў, што ніхто не абмяжоўвае патэнцыяльных прызыўнікоў у праве паступаць у сярэднія спецыяльныя і вышэйшыя навучальныя ўстановы. Законапраектам прадугледжана: калі адтэрміноўкай студэнт ужо скарыстаўся, то на час службы ва Узброеных сілах яму будзе прадастаўляцца акадэмічны адпачынак.
Пад петыцыяй супраць законапраекта аб адтэрміноўках ад войска 10 тысяч подпісаў сабралі літаральна за дзень
