Пад петыцыяй супраць законапраекта аб адтэрміноўках ад войска 10 тысяч подпісаў сабралі літаральна за дзень
Фота Сяргея Гудзіліна
10 тысяч подпісаў сабрана на сайце petitions.by супраць законапраекта пра значнае скарачэнне адтэрміновак ад войска, які ў сераду збіраецца разгледзець Палата прадстаўнікоў.
Петыцыю ўжо накіравалі дэпутатам. Яна мае назву «Супраць стварэння нераўназначных умоў атрымання адукацыі ў сувязі з неабходнасцю праходжання вайсковай службы».
Законапраект прадугледжвае, што адтэрміноўку ад службы будзе давацца толькі адзін раз, ці для атрымання вышэйшай адукацыі, але яна не будзе давацца, каб чалавек скончыў каледж і паступае ў ВНУ, або прадастаўляцца для магістратуры або аспірантуры (выключэнне — калі на навучанне накіроўваюць дзяржаўныя органы).
Таксама прадуглежваецца, што будзе абмяжоўвацца выезд за мяжу тым, хто ўхіляецца ад мерапрыемстваў прызыву.
