Паслу Сербіі стала кепска ў Вёсцы спартсменаў: ён страціў прытомнасць, паваліўся і паламаў рэбры

Стан пасла Сербіі Велькі Кавачэвіча стабільны, самаадчуванне значна палепшылася, паведамілі БелТА ў прэс-службе Міністэрства аховы здароўя.

«Прычынай шпіталізацыі ў бальніцу хуткай медыцынскай дапамогі ў Мінску стала непрытомнасць, абумоўленая душным і гарачым надвор'ем», — адзначылі ў прэс-службе.

Прытомнасць пасол страціў 22 чэрвеня падчас наведвання разам з іншымі супрацоўнікамі пасольства каманды Сербіі ў Вёсцы спартоўцаў. Пасол у цяперашні час знаходзіцца ў шпіталі ў сувязі з атрыманай падчас страты прытомнасці траўмай — пераломам рэбраў і ўзніклым пнеўматораксам.

Раней паведамлялася, што паслу стала кепска, калі ён праводзіў прэзідэнта Сербіі ў аэрапорт.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0