Даслаць навіну
Знайсці
24.06.2019 / 14:16 1

Арганізатар кірмашу з палаткамі на Кастрычніцкай: Мы самі ўбачылі, што яны не вельмі прыгожыя

Павялічыць выяву

Фота Дзмітрыя Брушко, Tut.by

У мінулую пятніцу на тусовачнай Кастрычніцкай паставілі намёты дзяржгандлю з таварамі лёгкай прамысловасці, а таксама фуд-зону з шашлыкамі і напоямі. Ужо на наступны дзень палаткі з адзеннем і сувенірамі часткова зніклі. Tut.by даведаўся ў арганізатара кірмаша, чаму часткова гандаль на гэтай вуліцы вырашылі звярнуць.

Арганізатарамі кірмашу былі КУП «Мінскзнешгандальінвест» разам з адміністрацыяй Ленінскага раёна.

Дырэктар «Мінскзнешгандальінвест» Марына Саевіч распавядае, што гандаль вырашылі арганізаваць да Еўрапейскіх гульняў і хацелі разрэкламаваць вуліцу кірмашом. Але на крытычную рэакцыю грамадскасці адрэагавалі аператыўна.

— Увечары ўжо ўсё прыбралі. Наогул не трэба было фатаграфаваць на стадыі расстаноўкі, мы ж самі ўбачылі, што палаткі не вельмі прыгожыя. На роўным месцы стварылі ажыятаж. Мы іх самі і сабралі, проста занадта хутка з'явіліся публікацыі ў інтэрнэце.

Марына Саевіч тлумачыць: рашэнне, што вуліца стане пешаходнай, арганізацыя атрымала толькі ў чацвер, а ў пятніцу кірмаш павінен быў пачаць працу.

— Прадпрыемствы не былі гатовыя так хутка закупіць прыгожыя палаткі. Мы ж ладзім выставы і за мяжой і ведаем, як гэта прыгожа зрабіць. Мы таксама арганізавалі сквер «Горад майстроў» насупраць «Дынама» — там вельмі выдатна.

Ад кірмашу на Кастрычніцкай да 30 чэрвеня застанецца толькі фуд-зона.

— Вакол «Дынама» фуд-кортаў бракавала. Каб стварыць адток людзей, бо чакалася больш турыстаў, паставілі палаткі з ежай на Кастрычніцкай вуліцы. І гэта толькі на 10 дзён. Мы ні ў якай меры не збіраемся забіраць чыесьці вяршкі, як мы чыталі. Наадварот, мы хацелі прыцягнуць сюды гасцей.

Саевіч кажа, што цяпер праходнасць на вуліцы не такая вялікая, як хацелася б.

— Гандаль стаіць. Таму хацелася б, каб госці прыходзілі на фуд-корт — там нядорага і вялікі выбар.

Мая Кахно, Tut.by

3
Адыкватник) / адказаць
24.06.2019 / 16:07
нармальныя!!

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31