Даслаць навіну
Знайсці
24.06.2019 / 15:37 16

Праўда пра энергетыкі: як дзейнічае кафеін, колькі доўжыцца эфект і што павінна быць у складзе

Павялічыць выяву

Каб разабрацца, які ўплыў энергетычныя напоі аказваюць на арганізм чалавека, мы папрасілі доктара-дыетолага Ларысу Барысевіч адказаць на нашы пытанні.

У чым адрозненне энергетыкаў ад звычайнай газіроўкі?

Энергетыкі здымаюць санлівасць, паляпшаюць працаздольнасць і пашыраюць сасуды.

Так дзейнічае кафеін, які ўтрымліваецца ў складзе энергетыкаў. Ён стымулюе скарачэнне страўніка, паскарае метабалічныя працэсы ў арганізме, расшчапляе тлушч. Гэта падвышае і разумовую, і фізічную актыўнасць.

Павялічыць выяву

Дзе тут негатыўны ўплыў?

Трэба разумець адну простую рэч.

«Энергетыкі — гэта не крыніца дадатковай энергіі. Яны бяруць энергію ў доўг з рэсурсаў арганізма, якія назапашаныя там на крайні выпадак. Калі ж пастаянна вычэрпваць энергію адтуль, то рана ці позна арганізм запярэчыць», — тлумачыць доктар-дыетолаг.

Таму ўжыванне энергетычных напояў павінна быць абмежавана да бяспечнай колькасці як за адзін раз, так і на працягу дня.

Даведка

Еўрапейскае агенцтва па бяспецы прадуктаў харчавання (EFSA) яшчэ ў 2015 годзе правяло даследаванне сярод 66 531 чалавека, каб выказаць навуковае меркаванне наконт бяспекі кафеіну і яго ўзаемадзеяння з іншымі рэчывамі. Спецыялісты пацвердзілі, што звычайнае для арганізму ўжыванне да 400 мг кафеіну ў дзень, роўнае ўтрыманню кафеіну ў 5 банках энергетычнага напою (5х250 мл), не выклікае праблем у здаровага дарослага. Але самі вытворцы энергетыкаў не рэкамендуюць ужываць больш за дзве банкі.

Павялічыць выяву

Праблемы з’яўляюцца заўсёды, калі чалавек пачынае злоўжываць. Гэта тычыцца і напояў, і ежы. Варта пачаць спажываць штосьці звыш меры, хутчэй за ўсё ўзнікнуць праблемы.

Ці можна выпіць адну банку энергетыку і быць актыўным усю ноч?

«На жаль, не. Дзеянне такіх напояў доўжыцца не так доўга, як эфект ад кавы, бо ён залежыць ад кафеіну і цукру. У першыя 40 хвілін павялічваецца сардэчная дзейнасць, паляпшаецца настрой праз тое, што ў кроў трапляе дафамін. А праз 3—6 гадзін наступае адваротны эфект. З’яўляецца санлівасць, затарможанасць, млявасць», — кажа Ларыса Барысевіч.

І што тады робіць чалавек? Правільна, выпівае другую, трэцюю, чацвёртую банку.

«А пасля гэтага, калі чалавек перавышае дапушчальную і бяспечную норму, наступствы могуць быць цяжкімі. Таму абавязкова трэба чытаць тое, што вытворца піша на этыкетцы», — удакладняе доктар.

Павялічыць выяву

На што звяртаць увагу на этыкетцы?

Па-першае, на тое, што напісала тлустым шрыфтам з клічнікам. Не ўжываць больш за адну банку за раз! Па-другое, энергетыкі не рэкамендуюецца пiць тым, каму не споўнілася 18 гадоў.

Што павінна быць у складзе энергетыку?

«Павінна сказаць, што склад такога напою, як, напрыклад, Hell, максімальна правільны. Большая частка — гэта вада і чысты кафеін. У ім няма гуараны, карніціну, мелатаніну. Гэтыя кампаненты павялічваюць дзеянне адно аднаго», — тлумачыць доктар.

Павялічыць выяву

Каб даваць чалавеку энергію, напой мусіць утрымліваць грануляваны цукар. Нікуды не падзецца, бо менавіта цукар забяспечвае галоўную функцыю энергетыка — даваць энергію. Такім чынам, менавіта за кошт гэтых двух інгрэдыентаў — кафеіну і цукру — адна банка энергетыку дапаможа ўзбадзёрыцца, калі ў гэтым ёсць неабходнасць.

Каму катэгарычна супрацьпаказаныя энергетычныя напоі?

Людзям з захворваннямі сэрца, страўніка. Тым, хто пакутуе ад лішняй вагі альбо адчувальны да кафеіну.

Як часта можна ўжываць энергетыкі?

«Энергетыкі лепш ужываць толькі ў выпадку неабходнасцi. Напрыклад, калі вам трэба быць бадзёрым за рулём. І ставіцца да гэтых напояў, як да прадукту са сваёй функцыяй. На наступны дзень пасля ўжывання арганізму трэба аддаць «доўг»: выспацца, адпачыць», — тлумачыць Ларыса Барысевіч.

Да таго ж, калі часта ўжываць энергетыкі, яны проста перастануць выконваць сваю функцыю.

І ні ў ніякім разе нельга ўжываць энергетыкі разам з алкаголем!

Ці ёсць нейкія альтэрнатывы энергетыкам, каб хутка зняць стому?

«Можна выпіць кіслага морсу з брусніц ці журавін, з’есці лімон. А энергетыкі пакіньце на крайні выпадак», — падсумоўвае доктар Ларыса Барысевіч.

Павялічыць выяву

Фота ziashusha, Shutterstock.

NN.by

0
mikola ramanau / адказаць
25.06.2019 / 17:27
хамса,! Lepei *Vokai* zapeice svaio gora.........
1
хамса / адказаць
25.06.2019 / 19:33
mikola ramanau, а што такое *Vokai*?) калі водка, то не п'ю яе .. дык яе ж і аматары ейныя не п'юць - заліваюць.. а навошта такі напой, калі ні смакам не насаладзіцца, ні пасядзець-патармазіць-пагаманіць)
0
mikola ramanau / адказаць
26.06.2019 / 13:04
хамса,...pamyliusa....Peice VODKU..........................Jak geta Ni p*iu ?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31