Больш за 20 рэйсаў адмененыя ў Шарамеццеве праз навальніцу. У Мінск самалёт таксама не паляціць
Змены закранулі, у прыватнасці, вылеты ў Мінск, Вільню, Рыгу, Хельсінкі, Прагу, Бургас і Каршы, паведамляе Life.
Праз навальніцу, якая насоўваецца на Маскву, і парывісты вецер у аэрапорце Шарамеццева адмянілі 24 рэйсы. Пасажыры не змогуць сёння вылецець у Мінск, Вільню, Рыгу, Хельсінкі, Прагу, Бургас і Каршы.
Таксама адмененыя ўнутраныя рэйсы ў Саратаў, Казань, Ніжні Ноўгарад, Перм, Валгаград, Стаўрапаль, Чэлябінск, Уфу, Саранск, Арэнбург, Пецярбург і Варонеж.
У сувязі з прагназаванымі неспрыяльнымі ўмовамі змены ў расклад рэйсаў унеслі і ў іншых аэрапортах Масквы — Унукаве і Дамадзедаве. Паводле інфармацыі сэрвісу «Яндэкс.Расклад», ва Унукаве затрымліваецца вылет чатырох самалётаў і адменена тры, а ў Дамадзедаве сем затрымана і шэсць адменена.
