Знайсці
22.06.2019 / 18:2310РусŁacБел

Грузінскія ўлады адказалі на забарону палётаў у краіну з боку Расіі

На іх думку, такі радыкальны палітычны парадак шкодзіць інтарэсам Масквы і Тбілісі.

Спецпрадстаўнік прэм'ер-міністра Грузіі па ўзаемаадносінах з РФ Зураб Абашыдзэ паведаміў, што цяпер грузінскія ўлады маюць намер атрымаць дэталёвую інфармацыю ад РФ аб прыпыненні пасажырскіх авіязносін, каб сур'ёзна прааналізаваць яе і зрабіць высновы. Пасля чаго кіраўніцтва краіны дасць больш дэталёвыя каментары па пытанні.

«Безумоўна, наша задача — абараніць інтарэсы суверэнітэту краіны і ўсіх грамадзян, пазбегнуць рызык прыняцця неабдуманых крокаў па сур'ёзных пытаннях», — перадае ТАСС яго словы.

У сваю чаргу, дарадца прэм'ер-міністра Грузіі па пытаннях стратэгічных камунікацый Іраклій Чыкавані заявіў, што прыпыненне пералётаў расійскіх авіякампаній у краіну будзе шкодзіць адносінам дзвюх дзяржаў.

«Падзеі, якія адбываюцца ў апошні перыяд, паказваюць, што радыкальны палітычны парадак дня як на міждзяржаўным узроўні, так і ўнутры краіны раўнамерна шкодзіць інтарэсам абедзвюх дзяржаў», — паведаміў журналістам Чыкавані.

Чытайце таксама: Уладзімір Пуцін забараніў палёты ў Грузію і загадаў вярнуць усіх расіян

NN.by

Хочаш падзяліцца важнай інфармацыяй
ананімна і канфідэнцыйна?

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера