Сямашка: Больш павышаць цэны на бензін ужо немагчыма
Пра гэта пасол Беларусі ў Расіі Уладзімір Сямашка заявіў у інтэрв'ю ТАСС.
«Мы сёлета ўжо істотна паднялі цэны на нафтапрадукты на ўнутраным рынку. Але далей рабіць гэта немагчыма.
Па-першае, пакупніцкая здольнасць грамадзян Беларусі не дазваляе гэтага зрабіць, а па-другое, у нас і так ужо дыспарытэт цэн на бензіны і дызельнае паліва з Расіяй дзесьці ў памеры 8-10%, — сказаў Сямашка. — Калі гэтая розніца ў коштах стане больш, то паўстане новая праблема масавага ўвозу ў Беларусь з Расіі танных нафтапрадуктаў. у такім выпадку не давядзецца гаварыць і аб адзіным рынку нафтапрадуктаў Еўразійскага эканамічнага саюза. Якая гэта будзе рэакцыя ў іншых краінах «пяцёркі», прадказаць не складана»..
У гэтым годзе цана на бензін павышалася ўжо 15 разоў, двойчы паніжалася. У мінулым годзе цэны на бензін змяняліся 27 разоў (часцей павышаліся).
