Трамп збіраўся ударыць па Іране, але ў апошні момант адмяніў аперацыю

Прэзідэнт ЗША Дональд Трамп прыняў рашэнне нанесці ўдар па Іране ў адказ на збіты амерыканскі беспілотнік, аднак пазней перадумаў. Пра гэта паведамляе газета The New York Times.

Па дадзеных выдання, у чацвер, 20 чэрвеня, амерыканскі лідар зацвердзіў удар па шэрагу цэляў, уключаючы радары і ракетныя батарэі. Атака была запланаваная на раніцу пятніцы, каб скараціць рызыкі ахвяр сярод грамадзянскага насельніцтва.

Амерыканскі лідар адмяніў аперацыю на пачатковым этапе, калі самалёты знаходзіліся ў паветры, а караблі былі на месцы, але ракеты яшчэ не былі выпушчаныя. Рашэнне было адкладзена на нявызначаны тэрмін.

Раней кіраўнік дзяржавы на пытанне журналіста пра тое, як адрэагуе амерыканская дзяржава на дзеянні Тэгерана, адказаў: «Вы ўбачыце».

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0