Смерць Тымчука: гэта магло быць забойства
Па факце смерці ў Кіеве дэпутата Дзмітрыя Тымчука па артыкуле «наўмыснае забойства» распачата крымінальная справа, паведамляе Укрінформ.
Пра гэта заявіў у каментары журналістам начальнік міліцыі Кіева Андрэй Крышчанка.
«Зараз працуе следчая група, вядзецца апытанне сведак. У адпаведнасці з артыкулам 115 ужо заведзена крымінальная справа, гэта наўмыснае забойства. Яго расследуе Галоўнае ўпраўленне паліцыі Кіева», — сказаў Крышчанка.
Раней начальнік Нацыянальнай міліцыі Сяргей Князеў падчас брыфінгу заявіў, што ў кватэры Тымчук быў не адзін, у кватэры была жонка.
Князеў заявіў, што існуе некалькі версій.
«Колькі было стрэлаў, не магу адказаць — эксперты аглядаюць. Папярэдне агнястрэльнае раненне галавы. Ёсць шэраг працоўных версій, сярод якіх, магчыма, няшчасны выпадак, неасцярожнае абыходжанне з агнястрэльнай зброяй. А таксама версіі крымінальнага характару ў тым ліку будуць разглядацца», — сказаў ён.
Першапачаткова паведамлялася, што кіраўнік «Інфармацыйнага супраціву» выпадкова застрэліўся, калі чысціў пісталет.
