Былая першая ракетка свету Караліна Вазняцкі выйшла замуж за былога гульца НБА Дэвіда Лі
Былая першая ракетка свету Караліна Вазняцкі выйшла замуж, піша «Чемпіонат». Выбраннік дацкай тэнісісткі — былы баскетбаліст шэрагу клубаў НБА Дэвід Лі, які завяршыў кар'еру ў лістападзе 2017 года.
Дзявочнік быў на Багамах.
Вяселле згулялі ў Італіі, у адным з раскошных гатэляў Тасканы. Сярод гасцей былі тэнісісткі Серэна Уільямс і Анжаліка Кербер.
Караліна Вазняцкі знаходзіцца ў сярэдзіне другога дзясятка рэйтынг-ліста. Пра тое, што яна і Лі сустракаюцца, стала вядома ў лютым. Распавёў пра гэта брат Караліны, Патрык, якому яна паведаміла гэтую навіну неўзабаве пасля Новага года.
У адным з інтэрв'ю яна распавяла: «Я б хацела сустракацца з высокім хлопцам, каб хадзіць на абцасах. Шукаю шчырага чалавека, з якім будзе прыемна бавіць час. Гэты мужчына не павінен занадта сур'ёзна ставіцца да самога сябе».
Незадоўга да вяселля пара падарожнічала па Польшчы.
