Даслаць навіну
Знайсці
14.06.2019 / 19:35 7

Пяць фактаў пра новага міністра аховы здароўя Уладзіміра Караніка

У гэты аўторак Аляксандр Лукашэнка прызначыў Уладзіміра Караніка міністрам аховы здароўя. Апошнія восем гадоў ён узначальваў Мінскі гарадскі анкалагічны дыспансер. А чым ён вядомы яшчэ?

Вырас у Гродне на вуліцы Сухамбаева

Павялічыць выяву

Фота з facebook.com.

Уладзімір Каранік нарадзіўся ў 1973 годзе ў Гродне. Сям’я жыла па вуліцы Агадзіла Сухамбаева (гераічна загінуў пад Гроднам падчас вызвалення ад фашысцкай акупацыі). Уладзімір Каранік хадзіў у школу №16 на той жа вуліцы.

Ягоная класная Кацярына Мікалаеўна Будзевіч расказала нам пра Караніка: «Незвычайны хлопец, мой любімы вучань. Вельмі прыстойны, добры. У яго заўсёды было шмат сяброў, і грамадскай дзейнасцю ён займаўся, калі быў у сёмым класе, то яго адзінаццацікласнікі бралі гуляць у КВЗ. У яго была фенаменальная памяць, ніколі больш такой не бачыла».

Кацярына Мікалаеўна выкладала ў Караніка беларускую мову. «Так, і па-беларуску ён добра гаварыў. Але, можа, матэматыка яму і лепей давалася».

«Ён вельмі сумленны чалавек. Бывае, вось атрымае пару троек, сварышся на яго. Ён галаву звесіць, кажа, усё выпраўлю, толькі маме не званіце», — смяецца Кацярына Будзевіч.

Мянушка ў міністра была «Карантос»

Павялічыць выяву

Фота «Мінск-новості».

Мы спыталіся ў спадарыні Будзевіч, ці быў Уладзімір Каранік папулярным у дзяўчат у школе. «Ой, не», — смяецца настаўніца.

«Ён быў такі, ведаеце, худзючы, доўгі, няскладны. Дзяўчыны не дужа на такіх западалі, — расказвае спадарыня Кацярына. — А яшчэ яго ўсё дражнілі «Карантос, Карантос». У мяне ў памяці засталося, як ён выконваў на сцэне «Танец маленькіх лебедзяў». Кацярына Мікалаеўна ўжо даўно на пенсіі, але з колішнім сваім любімым вучнем стэлефаноўваецца па сёння.

«Ён мне званіў у сераду. Я яму набрала ў той жа дзень, калі даведалася пра прызначэнне, але ён не зняў. А потым сам перазваніў. Кажа, Кацярына Мікалаеўна, без вас гэтага ўсяго не было», — расказвае настаўніца.

Мама казала: «Калі будзеце браць хабар, то заб’ю асабіста»

Павялічыць выяву

Фота sb.by.

Бацька міністра аховы здароўя Сцяпан Каранік памёр мінулай восенню, пра гэта нам расказаў колішні дырэктар школы №16 Леанід Шкута. Мама працягвае жыць у Гродне.

«Мама дакладна бухгалтарам была, але я не помню дзе, а тата, здаецца, з аграрнай галіной быў звязаны, — кажа Кацярына Будзевіч. — Выдатныя бацькі. Я помню, мама Валодзі казала, калі мае дзеці будуць браць хабары, то заб’е асабіста».

«Гэта ж мой анёл-абаронца, — адразу кажа жонка Леаніда Шкуты, калі здымае тэлефон. — Яшчэ 17 гадоў таму зрабіў аперацыю, калі была пухліна на лёгкіх, жывая па сёння, як бачыце».

Ва Уладзіміра Караніка ёсць старэйшы брат Аляксандр. Ён вучыўся ў Ленінградзе ў Вайскова-медыцынскай акадэміі. У пачатку 2000-х ён узначальваў упраўленне аховы здароўя Гродзенскага аблвыканкама.

Уладзімір Каранік жанаты, выхоўвае дачку і сына. Зусім нядаўна ён яшчэ жыў у інтэрнаце аграгарадка Лясны ля Бараўлянаў.

Хобі — баскетбол

Павялічыць выяву

Дзмітрый Гаўрон (злева) і Уладзімір Каранік сябруюць са школы.

Уладзімір Каранік доўгі час захапляўся баскетболам. Ён і цяпер штогод прыязджае ў Гродна на турнір імя трэнера Алега Калтанюка. Гэты спецыяліст памёр ва ўзросце 37 гадоў, і ў школе №16 ужо чатыры гады ладзіцца турнір ягонай памяці. Каранік бярэ ў ім удзел у складзе каманды Гродзенскай абласной бальніцы. Нават прызнаваўся найлепшым гульцом сваёй каманды.

Разам з ім удзельнічае вядомы ў Гродне мамолаг Дзмітрый Гаўрон — гэта аднакласнік і найлепшы сябра Караніка, разам з ім яны вучыліся і ў Гродзенскім медыцынскім універсітэце.

Адразу пасля сканчэння ВНУ Каранік трапіў на працу ў Рэспубліканскі навукова-практычны цэнтр анкалогіі і медыцынскай радыялогіі імя Аляксандрава ў Бараўлянах. Стаў там загадчыкам анкалагічнага аддзялення таракальнай (органаў грудной клеткі) хірургіі. Абараніў дысертацыю на тэму клініка-біялагічных асаблівасцяў розных варыянтаў недробнаклетачнага раку лёгкіх.

Калі перайшоў на кіраўніцкую працу, то ад асабістага аперавання давялося адмовіцца. Уладзімір Сцяпанавіч казаў, што дзвюх аперацый у месяц мала, каб трымаць форму.

Фэйсбук і даведка для курэй

Павялічыць выяву

Фота «Звязда».

На сайце doctora.by пад профілем Уладзіміра Караніка толькі станоўчыя водгукі. «Прафесіянал з вялікай літары, найлепшы доктар Беларусі», — пішуць пра яго.

Кажа, што ніколі не мяняў свой нумар тэлефона. І за дзень на мабільніку можа быць да сотні званкоў, у тым ліку і ад былых пацыентаў.

У інтэрв’ю «Вячэрняму Мінску» расказваў анекдатычную гісторыю са сваёй практыкі: «Не забуду, як прыязджаў да мяне пасля аперацыі на лёгкіх вясковец, прасіў напісаць даведку, што ён не заразны для хатніх птушак. Жонка небараку запіліла: ён кашляе, плюецца, а ў гаспадарцы… куры дохнуць. Мы спачатку пасмяяліся, пакуль не зразумелі: калі гэтую даведку не дамо, спакойнага жыцця мужчыну не будзе», — смяяўся Каранік.

Ён мае сваю старонку ў сацыяльнай сетцы фэйсбук, але зусім там не актыўнічае. У сябрах у асноўным калегі-дактары.

Зміцер Панкавец

2
Виталий Cпикин / адказаць
14.06.2019 / 22:51
Надеюсь, что наглую и топорную ложь  чиновников Минздрава новый министр будет вырезать оперативно, по-онкологически, как запущенную опухоль )))
Увы, но предыдущий министр Малашко за несколько лет своего правления в Минздраве развёл откровенный бардак, наглые лживые отписки стали нормой, чиновники откровенно расслабились..... 
Понятно, что за неделю или месяц такое не устранить....
9
Common Sense / адказаць
15.06.2019 / 03:33
Міністрам аховы здароўя мусіць быць чалавек які можа, прынамсці, каклапаціцца аб уласным здароўі. А гэта чалавек, відавочна, мае праблемы з залішняй вагой
0
per aspera! / адказаць
18.06.2019 / 13:07
Будем надеяться и требовать, чтобы новый министр не только пресек ложь и профанации своих госслужащих. Но и, проведя переаттестацию всех, уволил всех, кто не работал в практической медицине более 5-10 лет, кто "служит" в министерстве и на административных должностях более 10 лет. Переаттестация должна пройти по критериям медицинских знаний по основным разделам медицины, по менеджменту и организационной психологии. Население Беларуси в угрожаемом положпнии по состоянию здоровья: снижается продолжительность жизни, высокая смертность среди населения трудоспособного возраста, многие районные поликлиники перегружены обслуживаемым населением, госпитальный период стремятся сократить до минимума - пациент должен приехать в больницу с уже выполненными анализами. По родственникам, знакомым и по публикациям мы видим, что получить точный патогенетический диагноз многим пациентам так и не удается до самой смерти. Все это - порождения неумелого управления, коррупции, слабости учебной подготовки при отсутствии профотбора к медработе, экономии в медицине и на медицине. Часть этих проблем МОЖЕТ НАЧАТЬ РЕШАТЬ новый министр. Старые "министерские кадры" - всех на пегсию!
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
верасень кастрычнік лістапад
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31