Даслаць навіну
Знайсці
14.06.2019 / 13:46 31

«Ці спадніца — ці прагул!» Чаму адміністрацыя Мінскага каледжа прадпрымальніцва надзела на хлопцаў спадніцы? ФОТЫ

Хлопцы-студэнты, што прыйшлі ўчора на заняткі ў кароткіх шортах, вымушаныя былі надзець спадніцы. Так адміністрацыя каледжа вырашыла змагацца за дрэс-код ва ўмовах спёкі. 

Пра гэта «Нашай Ніве» расказалі студэнты ўстановы.

«У нас у каледжы прыняты дзелавы стыль адзення, у які не ўваходзяць шорты. А ў аўдыторыях спёка, больш за 30 градусаў, кандыцыянераў і вентылятараў няма.

Па правілах аховы працы гэта непрыдатная для вучобы тэмпература, таму навучэнцы пачалі прыходзіць у шортах. А адміністрацыя паставілася да гэтага негатыўна.

На першых навучэнцаў, хто так прыйшоў, надзелі спадніцы, але потым спадніц на ўсіх не хапіла.

Праўда, цяпер афіцыйна дазволілі прыходзіць у шортах і скарацілі пары ў сувязі з надвор'ем», — расказвае навучэнец Кірыл. 

Павялічыць выяву

«Насамрэч гэта пачалося яшчэ за пару дзён да гэтага. Адміністрацыя абурылася, што нашы дзяўчаты сталі хадзіць на заняткі ў надзвычай кароткіх сукенках. Вырашылі дапамагчы ім, выдалі «рэквізіт» — спадніцы з выступленняў каледжа. А ўчора вырашылі пайсці далей, і апрануць у спадніцы яшчэ і хлопцаў», — расказвае Мікалай. 

Павялічыць выяву

«Нічога прыкольнага ў гэтым я не бачу. Мяне прымусілі апрануць гэтую гарачую ваўняную спадніцу! А ўчора я пісаў тлумачальную, чаму прыйшоў на заняткі ў рваных джынсах», — дадае Арцём.

Павялічыць выяву

«Не было выбару. На ўваходзе нам так і казалі: або спадніца, або пішам спазненне ці прагул», — кажа Ігнат. 

«Сёння дрэс-код адмянілі, толькі ў пляжных шортах нельга. Цяпер мы ходзім на заняткі з веерамі», — кажа Мікіта. 

Павялічыць выяву

Сёння ў інстаграме распачаўся флэшмоб у падтрымку студэнтаў. Людзі пачалі выкладваць свае здымкі ў шортах з хэштэгам #ямкп

Адміністрацыя каледжа не разумее, чаму вакол гэтай сітуацыі столькі шуму.

«Проста у нашых хлопцаў добрае пачуццё гумару», — пракаментавала фота ў спадніцах намесніца дырэктара па выхаваўчай рабоце Таццяна Казак.

Яна расказала, што адміністрацыя адрэагавала на ўмовы надвор'я і ўнесла змены, каб навучэнцам было камфортна. Крыху скарацілі заняткі (прыбралі перапынак) і ад учора дазволілі хадзіць у шортах.

«Але, разумееце, шорты шортам не роўня. Усім было даведзена, што гэта павінны быць не пляжныя шорты, не спартыўнага стылю», — кажа Таццяна Казак.

Што да навучэнцаў, якія ўчора не ўпісаліся ў дрэс-код, то адміністрацыя «дазволіла ім самім прымаць рашэнні»:

«Яны маглі звязацца з бацькамі, каб тыя падвезлі ім штаны, а тыя, хто жыве недалёка, — збегаць і пераапрануцца. У нас ёсць беларускія нацыянальныя касцюмы і, хто хацеў, мог узяць спадніцу. Былі белыя і бардовыя спадніцы, мы вырашылі выдаць цёмныя, каб больш адпавядала дзелавому стылю. Навучэнцам вельмі спадабаўся колер, яны пачалі жартаваць: «Вось, давайце пабудзем шатландцамі».

Наталля Тур, Наталля Лубнеўская

0
Опт / адказаць
16.06.2019 / 06:07
совки, им нельзя доверять детей.
0
Трактарыст-максімаліст / адказаць
16.06.2019 / 16:01
Гэта не беларускае ноу-хау. Летась французскія кіроўцы аўтобусаў так зрабілі. У іх уніформа, а у Парыжы спёка сталя мо пад 40. Яны пачалі хадзіць у смену у шортах, ім забаранілі і яны пачалі прыходзіць у спадніцах.
1
гоблін / адказаць
18.06.2019 / 02:18
".. в этом мире можно всего добиться при наличии желания. Если ты обладаешь мужеством и достоинством, то сможешь и строительство завода приостановить, и невиновного спасти от тюрьмы. А если ты овощ, то и ходи в юбке. Это даже, в каком-то смысле, справедливо).."

+100500

рабам рабское

https://nn.by/?c=ar&i=232186
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31