Знайсці
14.06.2019 / 10:5919РусŁacБел

Губернатар Ліс прыпыніў будаўніцтва акумулятарнага завода пад Брэстам

Старшыня Брэсцкага аблвыканкама Анатоль Ліс сёння падпісаў распараджэнне аб прыпыненні будаўніцтва акумулятарнага завода, паведамляе сайт аблвыканкама.

«Прыпыніць будаўніцтва аб'екта «Акумулятарны завод ТАА «АйПауэр» з уласнай кацельняй на прыродным газе па адрасе: Брэсцкі раён СЭЗ «Брэст» раён «Аэрапорта» 1-ы пускавы комплекс» да ліквідацыі выяўленых парушэнняў», — гаворыцца ў пастанове.

Пратэсты супраць будаўніцтва і працы завода на ўсход ад Брэста доўжыліся ў горадзе 16 месяцаў: ад лютага 2018 года. Больш за сотню чалавек збіраліся штонядзелю ў цэнтра Брэста на г.зв. акцыю «кармленне галубоў». Некалькі разоў яны праходзілі вуліцамі горада, скандзіруючы лозунгі. Актывістаў затрымлівалі, ім каралі штрафамі.

У нядзелю спачатку з актывістамі сустрэлася кіраўніцтва горада, а 12 чэрвеня правёў сустрэчу Анатоль Ліс. Размова працягвалася тры гадзіны і скончылася абяцаннем уладаў праверыць усе факты парушэнняў і на працягу наступнага тыдня прыняць рашэнне аб спыненні ўводу ў эксплуатацыю завода. Некалькі днямі раней праца прыёмнай камісіі была падоўжана да 21 чэрвеня.

Чытайце таксама:

На заводзе АКБ пад Брэстам — перавышэнне шкодных выкідаў. Распачаты адміністрацыйны працэс

Улады Брэста пайшлі на дыялог з пратэстоўцамі супраць акумулятарнага завода і дапускаюць яго закрыццё

Кіраўнік Берасцейшчыны дапусціў, што акумулятарны завод, супраць якога пратэстуюць жыхары, закрыюць

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера