Па Мінску і вобласці абвясцілі план «Перахоп»: мужчына, пагражаючы нажом, забраў уседарожнік у жанчыны
Раніцай 14 чэрвеня ў Мінску і вобласці на вуліцах з'явіліся супрацоўнікі міліцыі з аўтаматамі, якія выбарачна спынялі машыны. Аказалася, што ў сталічным рэгіёне ўвялі план «Перахоп» - міліцыя шукае падазраванага, піша Tut.by
— Праязджала па Нямізе і Багдановіча, міліцыя з аўтаматамі і ў касках тармозяць некаторыя машыны ў патоку, правяраюць дакументы, - распавяла Алена з Мінска.
Такая карціна назіралася і на іншых вуліцах, напрыклад Маякоўскага, Каліноўскага і Кедышкі.
У міліцыі расказалі, у чым прычына такіх праверак: праваахоўнікі шукаюць падазраванага на машыне Toyota Land Cruiser чорнага колеру.
— Мужчына адпачываў з сяброўкай на дачы, а затым сабраўся з'ехаць з прыяцелем на машыне. Яго сяброўка, ўладальніца машыны Toyota Land Cruiser, адмовілася даць яму машыну. Пасля чаго, з яе слоў, ён пад пагрозай нажа прымусіў напісаць яе распіску аб тым, што ў яе няма прэтэнзій, сеў у машыну са сваім таварышам і з'ехаў, - паведаміў афіцыйны прадстаўнік УУС Мінаблвыканкама Сяргей Басько.
