Знайсці
11.06.2019 / 19:51РусŁacБел

У Мінску адбудзецца вечарына памяці Міхася Мушынскага

17 чэрвеня (панядзелак) у Цэнтральнай навуковай бібліятэцы імя Я.Коласа Нацыянальнай акадэміі навук Беларусі пройдзе вечарына «Свайму часу і вечнасці…», прысвечаная памяці вядомага навукоўца, члена-карэспандэнта НАН Беларусі, лаўрэата Дзяржаўнай прэміі Беларусі, доктара філалагічных навук, прафесара Міхася Мушынскага.

Назву імпрэзе дала прадмова вучонага да Збору твораў у 20 тамах класіка беларускай літаратуры Якуба Коласа.

Міхась Мушынскі ўсё жыццё займаўся даследаваннем айчыннай літаратуры. Ён лічыцца найлепшым у краіне знаўцам творчасці Я.Коласа, М.Гарэцкага, М.Зарэцкага, адным са стваральнікаў навуковай школы, звязанай з тэксталогіяй і выданнямі класікаў.

У праграме:

— выстава манаграфій і кніг вучонага, дакументаў, якія адлюстроўваюць ягонае жыццё і дзейнасць;

— рэдкія фота з архіва сям'і;

— успаміны калег і сяброў.

Вечарына адбудзецца ў 15.00 у канферэнц-зале (1 паверх). Уваход свабодны.

Адрас: м. «Акадэмія навук», вул. Сурганава, 15.

Кантакты:

+375 17 284 14 75 (бібліятэка),

+375 29 55 67 550 (Таццяна Мушынская)

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера