Даслаць навіну
Знайсці
11.06.2019 / 23:36 11

Поўныя нулі. Зборная Беларусі прайграла яшчэ і Паўночнай Ірландыі ВІДЭА

Нацыянальная зборная Беларусі па футболе правяла чацвёрты адборачны матч да Еўра-2020. І зноў саступіла — на гэты раз зборнай Паўночнай Ірландыі. Лік 0:1.

З прычыны Еўрапейскіх гульняў матч праходзіў у Барысаве, а не на стадыёне «Дынама» ў Мінску. Паглядзець на гульню зборнай на «Барысаў-Арэне» прыйшло каля чатырох тысяч чалавек, сярод якіх некалькі соцень замежных фанатаў.

Павялічыць выяву

Фота Ягора Хаванскага

Пасля паразы ад зборнай Германіі Ігар Крывушэнка зрабіў чатыры змены ў стартавым складзе зборнай Беларусі — у афіцыйных матчах дэбютаваў форвард Яўген Шыкаўка. Але гэта амаль не паўплывала на малюнак гульні гаспадароў — панылая гульня з мінімумам небяспечных момантаў у першым тайме. 

Павялічыць выяву

Фота: uefa.com

У другім тайме стала крыху больш вострых момантаў ля варот абедзвюх каманд, адзін з якіх у выніку прывёў да гола паўночных ірландцаў — на 86-й хвіліне адзначыўся Пэдзі МакНэйр. 

Фінальны свісток зафіксаваў чацвёртую паразу беларусаў у адборы. Дагэтуль у нашых была буйная гасцявая параза ад Нідэрландаў (0:4), мінімальная — ад Паўночнай Ірландыі (1:2), а ў мінулую суботу беларусы ў Барысаве саступілі немцам (0:2).

У паралельным матчы зборная Германіі ў Майнцы знішчыла эстонцаў з лікам 8:0. Цяпер расклад у нашай групе наступны: Паўночная Ірландыя — 12 (4 гульні), Германія — 9 (3), Нідэрланды — 3 (2), Беларусь — 0, Эстонія — 0.

Цяпер у беларусаў застаўся адзіны шанец патрапіць на Еўра-2020 — праз міні-турнір для пераможцаў турніру Лігі нацый у дывізіёне D.

Для гэтага трэба ў сакавіку наступнага года ў гасцях перамагчы Грузію, а потым пераможцу матча Косава — Паўночная Македонія. Праўда, два матчы давядзецца гуляць у гасцях. 

NN.by

8
Звонкие бубенцы / адказаць
12.06.2019 / 09:53
Считаю нет смысла, если что-то не получаеться, биться головой о стену. Нужно просто переквалифицировать футболистов в других спортсменов. Например в футболистов американского футбола. Этот европейский сокер - скушная игра, американский футбол веселее, больше экшена, скорости. Даже не зная правил интересно посмотреть. 
1
Грамазека / адказаць
12.06.2019 / 11:42
Ме не прайграли, мы амаль не перамагли.
0
Jan / адказаць
13.06.2019 / 00:51
Рэдактара ў адстаўку.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31