Затрыманаму Андрэю Уцюрыну знайшлі замену
Намеснікам сакратара Рады бяспекі прызначаны 42-гадовы Аляксандр Рахманаў. Раней ён быў начальнікам упраўлення Следчага камітэта па Брэсцкай вобласці.
Пасада ў Радзе бяспекі вызвалілася пасля затрымання Андрэя Уцюрына.
Чытайце. КДБ: Уцюрын затрыманы пры атрыманні $149 тысяч ад расіян
Аляксандр Рахманаў
Нарадзіўся 25 ліпеня 1976 года на Віцебшчыне. Скончыў БДУ па спецыяльнасці «правазнаўства» (1998).
У 1998-2000 працаваў у Віцебску ў аддзеле па барацьбе з арганізаванай злачыннасцю, з 2000 года па 2004 год працаваў у пракуратуры Брэсцкай вобласці. Пазней служыў у міліцыі, дзе ажыццяўляў ведамасны кантроль за расследаваннем крымінальных спраў. Апошняя пасада ў сістэме МУС — намеснік начальніка УУС Брэсцкага аблвыканкама, начальнік папярэдняга расследавання.
У 2007—2012 працаваў у Радзе бяспекі, дзе займаўся распрацоўкай заканадаўства.
У 2012-2017 узначальваў брэсцкае ўпраўленне Следчага камітэта.