ЗША паставілі Турцыі ўльтыматум па С-400
ЗША далі Турцыі час да канца ліпеня на тое, каб адмовіцца ад куплі расійскіх зенітна-ракетных комплексаў С-400, якія «несумяшчальныя» з набыццём амерыканскіх знішчальнікаў пятага пакалення F-35, перадае AFP.
Да 31 ліпеня Вашынгтон выключыць Анкару з праграмы F-35 у сувязі з рашэннем хаўрусніка па НАТА працягнуць закупку расійскіх С-400.
Па словах кіраўніка Пентагона, у Турцыі яшчэ ёсць час змяніць курс адносна ракетнай сістэмы С-400.
Калі да 31 мая Турцыя не адмовіцца ад сістэмы С-400, навучанне турэцкіх пілотаў у Злучаных Штатах на самалётах F-35 будзе немагчымым, а кантракты з турэцкімі фірмамі, якія ўдзельнічаюць у вытворчасці F-35, будуць адмененыя.
Турэцкія кампаніі, якія вырабляюць 937 розных частак F-35, не атрымаюць ніякіх дадатковых заказаў, а іх ролі будуць перададзены іншым фірмам.
