Знайсці
07.06.2019 / 22:136РусŁacБел

Жыхар Бабруйскага раёна да таго напіўся, што ўбачыў у сябе на ўчастку неіснуючыя трупы

У мінулую суботу ў Бабруйскі РАУС патэлефанаваў жыхар вёскі Баяры, які распавёў, што падчас працы на ўчастку ён выявіў парэшткі «траіх ці чацвярых чалавек», паведамляе Трыбуна працы.

Не прайшло і дваццаці хвілін, як той жа чалавек звярнуўся ўжо ў Бабруйскі гаррайаддзел па надзвычайных сітуацыях. Яшчэ праз дваццаць хвілін дзяжурны прыняў званок ад службы хуткай медыцынскай дапамогі — медыкам патэлефанавала жанчына, сказаўшы, што яе муж ходзіць па хаце з бензапілой і кажа, што «пад падлогай хтосьці ёсць». Як аказалася, усе гэтыя выпадкі звязаныя — званкі паступілі з адной сям'і.

На месца выехала міліцыя, але ніякіх чалавечых парэшткаў не знайшла. Справа была ў тым, што гаспадар дома, аматар выпіць, нястрымным спажываннем давёў сябе да галюцынацый. З-за спіртнога ў мужчыны пачалося псіхічнае расстройства.

Ад яго дзеянняў ніхто не пацярпеў. Гаспадара дома змясцілі ў псіханеўралагічнае аддзяленне Бабруйскай бальніцы.

Клас
Панылы сорам
Ха-ха
Ого
Сумна
Абуральна
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера