Дураў паклікаў спецыялістаў «Яндэкса» развіваць навінавы сэрвіс у Telegram
На думку стваральніка месенджара, Telegram можа стаць пляцоўкай для рэкамендацыі навін «без палітычнай цэнзуры» піша РБК.
Стваральнік сацсеткі «Укантакце» і месенджара Telegram Павел Дураў ў сваім рускамоўным канале звярнуўся да супрацоўнікаў «Яндэкса», прапанаваўшы ім перайсці ў яго каманду і развіваць сэрвісы рэкамендацыі навін.
«У свой час мы арганізавалі «Ноеў каўчэг» для найлепшых распрацоўшчыкаў «Укантакце», запрасіўшы іх на працу ў Telegram. Сёлета мы хочам даць такі ж шанец распрацоўшчыкам «Яндэкса», якія займаюцца сэрвісамі рэкамендацыі кантэнту», — напісаў Дураў.
Ён назваў сэрвіс агрэгатара навінавых паведамленняў «Яндекс.Новости» ўражальным з тэхнічнага пункта гледжання, але, на думку Дурава, той «абмежаваны цэнзурай і рускамоўным рынкам». Месенджар жа дазваляе стварыць падобныя па функцыянале глабальныя сэрвісы «без палітычнай цэнзуры».
«У нас ёсць шанец стварыць першы ў гісторыі інтэрнэту эфектыўны і свабодны агрэгатар навін», — лічыць Дураў.
Прадстаўнік «Яндэкса» адмовіўся ад каментароў РБК.
