Даслаць навіну
Знайсці
07.06.2019 / 10:31 38

Эйсмант: «Ровары Лукашэнку падарыў бізнэсмен Макараў». Расказваем, хто такі Макараў

Павялічыць выяву

Фота група Укантакце «Народныя навіны Віцебска»

У суботу, 1 чэрвеня, Аляксандр Лукашэнка адправіўся ў гарадскі пасёлак Балбасава. У пасёлак ён прыехаў на ровары з Александрыі. Велапрагулка кіраўніка дзяржавы склала каля 30 км.

У інтэрнэт трапілі фоты, як Аляксандр Лукашэнка з Мікалаем і групай набліжаных да яго асоб едзе на веласіпедзе па бязлюдных вуліцах былога вайсковага гарадка.

Журналісты ідэнтыфікавалі марку ровараў «прэзідэнцкай каманды». Гэта не звыклыя беларускія, а дарагія маркі.

Ровар, на якім Коля Лукашэнка катаўся ў Балбасаве, каштуе некалькі тысяч еўра

Kp.by удакладніла ў прэс-сакратара прэзідэнта, што за ровары ў Аляксандра Лукашэнкі.

— Давайце ў пытанні пра дарагія ровары адразу кропкі над «і» расставім … Для пачатку падкрэслю асобна: на ровары, коштам якіх так зацікавіліся некаторыя СМІ, дзяржава не выдаткавала ні капейкі, — патлумачыла Наталля Эйсмант. — Гэта не сакрэт: ровары, пра якія ідзе гаворка, Аляксандру Рыгоравічу падарыў яго сябар, бізнэсмен Ігар Макараў. Чалавек, усё жыццё які прысвяціў веласпорту, член Алімпійскай зборнай каманды СССР, ганаровы прэзідэнт Федэрацыі веласіпеднага спорту Расіі. Робячы такія падарункі прэзідэнту і яго сыну, ён хацеў такім чынам далучыць іх да гэтага віду спорту. Трэба сказаць, у яго атрымалася! Аляксандра Рыгоравіча можна ўбачыць і на мінскім велатрэку. Ды і ў цэлым трэніроўкі на ровары сталі рэгулярнымі ў спартыўным графіку прэзідэнта. І яшчэ я адзначу, што гэтыя ровары не былі адзінымі падоранымі Ігарам Сяргеевічам, і вялікая іх частка была перададзена нашым спартсменам — у нацыянальную зборную, — сказала Эйсмант.

Хто такі Макараў? Эйсмант сказала пра «Ігара Сяргеевіча», але, мусіць, меўце на ўвазе Макараў Ігар Віктаравіч.

57-гадовы Ігар Макараў ад 2015 года ўзначальвае групу кампаній «Арети» — лёгка заўважыць, што гэта анаграма ад «Итера». Гэтая апошняя назва дагэтуль памятаецца многім. Макараў стварыў «Ітэру» ў 1992 годзе, якая праводзіла часта непразрыстыя аперацыі з перапродажам газпромаўскага газу («Газпром» — дзяржаўная расійская кампанія).

Ад 2013 года асноўныя нафтагазавыя актывы «Ітэры» перайшлі пад кантроль іншага расійскага дзяржаўнага маманта — «Роснефті». А Макараў зрабіў рэбрэндынг «Ітэры». У Мінску «Ітэра» атрымлівала выгадныя пляцоўкі пад забудову. Але калі пасля крызісу 2008—2009 гадоў у яе пачаліся фінансавыя цяжкасці, яна не змагла рэалізаваць мегапраект — забудову былога аэрапорта Мінск-1. 

Ад 2005 года Макараў стаў ганаровым консулам Беларусі ў Маскве. Ён атрымаў з рук Аляксандра Лукашэнкі медаль Францішка Скарыны і ордэн Дружбы народаў.

NN.by

0
ўўў / адказаць
08.06.2019 / 01:09
То бок хабар звычайны, дзякуй эйсмант.
0
odin / адказаць
08.06.2019 / 09:34
Это прямое нарушение президентом всех своих подписанных законов, особенно налогового кодекса. Если бы простому человеку подарили велосипед за такую сумму уже бы пришло письмо оплатить подоходный налог, но увы они не простые, а почему они лучше нас? Майбах? И тоже тишина, а чего мы ещё не знаем. Вертолёт и тоже подарок. Мне интересно он наш президент или он уже сам за себя? Все что дарится должности президента принадлежит людям, а президент получает только зарплату, но у нас не так все президенту и его близким и резиденции и вертолеты и ещё все чем он пользуется в рамках своей протокольной должности. Вот это и есть коррупция.
0
Стэфанія Ліцвінка / адказаць
08.06.2019 / 12:01
А колькі сядзіць людзей за "хабар" 200-300 дал. А суддзі хто?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
верасень кастрычнік лістапад
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31