Даслаць навіну
Знайсці
06.06.2019 / 16:32 13

Рэпетыцыя Еўрагульняў: у Мінску тысячы студэнтаў накармілі бясплатным абедам. Давалі качку і хумус ФОТЫ

6 чэрвеня ў Студэнцкай вёсцы, што на праспекце Дзяржынскага ў Мінску, адбылося вельмі дзіўнае мерапрыемства — рэпетыцыя абедаў для спартсменаў-удзельнікаў гульняў. Адпрацоўвалі прыём ежы на валанцёрах, якія будуць абслугоўваць Еўрапейскія гульні.

Ад 7:30 раніцы студэнты ўсіх мінскіх ВНУ выстройваліся ў чэргі, каб прайсці кантроль, атрымаць талоны і зайсці ў сталовую.

Павялічыць выяву

Студэнтаў ставілі ў калоны па пяць чалавек і суправаджалі да дзвярэй сталовай.

Павялічыць выяву

Павялічыць выяву

На ўваходзе патрэбна было аддаць талон, назваць сваё прозвішча, здаць у гардэроб пакеты ды заплечнікі — як высветлілася пасля, каб студэнты не змаглі набраць поўныя кішэні яблык, кексаў і ёгурту — і зайсці ў абедзенную залу.

Павялічыць выяву

«Мы ўжо двойчы паабедалі і паснедалі. Раніцай тут было чалавек 300, таму нас прымушалі заходзіць, есці, а затым заходзіць у сталовую па другім коле. На абед ужо было прышпільна самім заходзіць двойчы. Тут вячэра яшчэ ў 18:30, думаем таксама застацца», — расказалі дзяўчаты-валанцёркі, якія на лавачцы перад уваходам пілі ваду.

Павялічыць выяву

«Ваду, што стаяла ў халадзільніках, з сабой выносіць дазвалялі, а вось пахту і кексы забіралі», — дзеляцца дзяўчаты.

Павялічыць выяву

Абедаць у 12:30 прыйшло 2000 студэнтаў — большасць з БДУ, астатнія з Лінгвістычнага ўніверсітэта. Дарэчы, калі які мінак затрымліваўся ля агароджы, яго таксама маглі запрасіць прайсці ўнутр. Дастаткова было паказаць пашпарт.

Нягледзячы на такую колькасць чалавек, натоўпу не адчувалася. Досыць аператыўна быў арганізаваны праход у сталовую.

Павялічыць выяву

Самае цікавае пачыналася там.

Міраслава, валанцёрка з Лінгвістычнага ўніверсітэта, фатаграфуе паднос з ежай, адсылае здымак сяброўцы:

«Я думала, тут будуць толькі якія бутэрброды, а тут такая прыемная некачанасць. Шкада, што так будуць карміць толькі спартсменаў», — кажа Міраслава.

Павялічыць выяву

Асартымент страў сапраўды ўражвае.

Такім чынам, на бясплатным абедзе можна было пакаштаваць: піцу капрычоза, грэчаскую, «Маргарыту»; спагеці, локшыну і фузілі з грыбным соусам і соусам карбанара; рыс, вараную ялавічыну, курынае філе з сырам, рулецікі са свініны з яблыкам і чарнаслівам, папрыкаш па-балгарску, хек на грылі, хек запечаны са шпінатам, біф-стэйк, пельмені з мясам, хумус, лазанню з гародніны, смажаную качку, сырны крэм-суп, грыбную поліўку, салаты з тунца і курыцы.

 Павялічыць выяву

Шмат гародніны: і брусэльская капуста, і адварная морква. Свежая гародніна: памідоры чэры, перац, фасоля, кукуруза, гарошак, зеляніна, салера, агуркі.

Некалькі відаў каўбас і сыру, ягадны соус. На дэсерт — чызкейк і кексы.

Кава, гарбата, таматны і яблычны сок, ражанка, кефір, пахта.

Садавіна: бананы, яблыкі, грушы, апельсіны, лімоны.

Павялічыць выяву

Су-шэф Валянціна расказала, што падчас гульняў меню будзе мяняцца штодзённа.

«Будуць стравы з усіх кухань свету. Дранікі, вядома, гвозд праграмы. Яны былі сёння на сняданку і скончыліся першымі. Адзінае, што сушы гатаваць не будзем. Працоўны дзень з 21 чэрвеня ў нас будзе пачынацца а 6-й раніцы. Нас папярэдзілі, што будзем карміць яшчэ больш людзей. Але мы гатовыя, галодны ніхто не будзе», — запэўніла Валянціна.

Павялічыць выяву

У памяшканні сталовай стаяць кантэйнеры для паасобнага збору смецця. На ўваходзе — спецыяльныя дэзынфектары для рук.

Павялічыць выяву

«Я вельмі прыемна здзіўленая, што так кормяць. Усё вельмі смачнае. Я разумею, што гэта толькі рэпетыцыя, але ўсё адно вельмі рада, што прайшла адбор на валанцёра. Я запаўняла на сайце форму, выконвала тэсты. А затым, у залежнасці ад валодання англійскай мовай, нас размяркоўвалі па аб’ектах. Хтосьці трапіў у суправаджэнне віп-персон, хтосьці будзе працаваць з гледачамі. Я сёння першы дзень. Мая задача — складаць спісы тых, хто прыходзіць абедаць. Я ужо запоўніла ведамасць на 5000 чалавек. Але мне ўсё падабаецца. Гэта і рух, і магчымасць падцягнуць англійскую мову», — кажа Карына, валанцёрка з Магілёва.

Павялічыць выяву

Валанцёры працуюць бясплатна. «Але нас папярэдзілі, што калі мы накасячым, то заплацім штраф», — удакладняе Міраслава.

Наталля Тур, фота Надзеі Бужан

1
Дед Мороз / адказаць
06.06.2019 / 21:10
Если честно то какая то конюшня :) Даже всё фото не смотрел :) Почему там где написано Yogurts - реально в холодильниках Ряженка и Пахта?! :)
1
Йа / адказаць
06.06.2019 / 21:27
0.5, только ты, необразованный человек (вежливо)
0
Йа / адказаць
06.06.2019 / 21:31
Дед Мороз, ряженка не хуже, пахта - жесть. Думаю тренировку удещевили, на играх будет реально йогурт. ЗЫ yogHurt правильно пишется
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
май чэрвень ліпень
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30