Зяленскага злавілі на плагіяце прамовы Парашэнкі. Пачалі службовае расследаванне
Прэс-сакратар былога прэзідэнта Украіны Пятра Парашэнкі Святаслаў Цэголка абвінаваціў Уладзіміра Зяленскага ў плагіяце і заявіў, што той скраў частку прамовы экс-кіраўніка дзяржавы.
«Новы прэзідэнт Зяленскі скраў цэлы абзац з выступу Пятра Парашэнкі на з'ездзе партыі Еўрапейская Салідарнасць», — заявіў Цэголка.
Ён таксама параіў Зяленскаму наняць спічрайтара.
«Прыемна, што Уладзімір прыслухоўваецца да Пятра Парашэнкі. Але акрамя карэктара варта наняць і спічрайтара», — параіў спікер Парашэнкі.
Цэголка сцвярджае, што Зяленскі скраў у Парашэнкі фрагмент з прамовы і агучыў яго падчас сустрэчы з кіраўніком Еўрапейскай рады Дональдам Тускам у Бруселі.
«Украіна ў ЕС — гэта смерць расійскага імперскага праекта. Больш за тое, гэта магутны ўдар па расейскім аўтарытарызме, шлях да дэмакратычных пераменаў у Расіі і на ўсёй постсавецкай прасторы», — сказаў Зяленскі 5 чэрвеня.
Адміністрацыя прэзідэнта Украіны пачала службовае расследаванне адносна ідэнтычнасці выступленняў Уладзіміра Зяленскага і Пятра Парашэнкі.
Па словах адміністрацыі, яны папярэдне высветлілі, што работнікі МЗС, якія рыхтавалі тэзісы для брыфінгу Зяленскага, паралельна працягвалі працаваць на Парашэнку.