Справа наконт абвінавачвання Раналду ў згвалтаванні закрыта
Фота з афіцыйнага твітара «Ювентуса»
Судовае разбіральніцтва па абвінавачанні форварда зборнай Партугаліі і «Ювентуса» Крышціяну Раналду ў згвалтаванні закрыта, паведамляе Bloomberg.
У суд Лас-Вегаса ў маі паступіла паведамленне аб добраахвотным спыненні гэтай справы. Пры гэтым пакуль невядома, ці было гэта зроблена па хадайніцтве пазоўшчыка або па ўзаемнай згодзе бакоў.
Раналду вінавацілі ў згвалтаванні амерыканскай мадэлі Кэтрын Маёргі, якое нібыта мела месца ў 2009 годзе ў Лас-Вегасе. Адразу пасля інцыдэнту дзяўчына падала заяву ў паліцыю, не называючы пры гэтым імя гвалтаўніка. Але праз год падпісала дамову з юрыстамі Раналду аб невыдаванні інфармацыі, атрымаўшы за гэта $375 тыс.
У кастрычніку 2018 года паліцэйскае ўпраўленне горада паведаміла, што расследаванне па справе было адноўленае пасля запыту пацярпелай.