Даслаць навіну
Знайсці
25.05.2019 / 12:18 1

У Беларусі стартавалі продажы новага пакалення KIA Ceed і Ceed SW

KIA Motors ў Беларусі пачала продажы трэцяга пакалення KIA Ceed і Ceed SW. Цэны на новы хэтчбэк складаюць ад 16,3 да 24,5 тысяч даляраў у эквіваленце, а ў кузаве універсал аўтамабіль каштуе ад 16,95 да 26,7 тысяч даляраў.

Сямейства мадэляў Ceed з'яўляецца адным з найбольш высокатэхналагічных у сегменце кампактных аўтамабіляў. Пры гэтым універсал Ceed SW прапануе найбольшы аб'ём багажнай прасторы ў сваім класе.

Першая партыя прыйшла ў Мінск літаральна днямі. На гэты момант навінкі ёсць ў аўтацэнтрах ва Уруччы і на Ціміразева, а ў бліжэйшы час аўтамабілі з'явяцца ў Гомелі і Магілёве. «Мы бачым пастаянную цікавасць да Ceed і Ceed SW у беларусаў. Новае пакаленне аўтамабіляў дазволіць брэнду KIA пашырыць сваю прысутнасць на беларускім рынку», — лічаць у аўтацэнтры KIA «Атлант-М на Незалежнасці».

На беларускім рынку навінкі прадстаўлены лінейкай 4-цыліндравых бензінавых рухавікоў, якія максімальна адпавядаюць запытам беларускіх кліентаў. Выбар матораў пачынаецца са 100-сільнага атмасфернага агрэгата аб'ёмам 1,4 літра, які працуе са 6-ступенчатай механічнай каробкай перадач. У якасці альтэрнатывы — 1,6-літровы атмасферны рухавік на 128 «коней», да якога можна выбраць 6-ступенчатую каробку-аўтамат. Даступны і 1,4-літровы турбарухавік T-GDI на 140 к.с., які ідзе ў пары з 7-ступенчатай каробкай з падвойным счапленнем. Самая хуткая версія набірае першую «сотню» за 9,2 секунды. Пры гэтым расход паліва ў горадзе складае ўсяго 7,7 літраў (5,2 л — расход за горадам).

KIA Ceed стаў «разумнейшы»: інтэлектуальныя памочнікі дапамагаюць паркавацца, падтрымліваць пастаянную хуткасць і распазнаваць дарожныя знакі, прадугледжаная таксама функцыя аўтаматычнага тармажэння.

Даўжыня хэтчбэка — 4310 мм, шырыня — 1800, а вышыня — 1457. Універсал у сваю чаргу даўжэйшы амаль на 290 мм і вышэйшы на 18 мм. Багажнік KIA Ceed умяшчае 395 літраў і ўтрая больш (1291 літры) са складзенымі сядзеннямі.

У стандартную камплектацыю ўваходзяць сталёвыя дыскі на 15 цаляў, запаска, задні спойлер і падагрэў фарсунак амывальніка. У салоне прысутнічаюць штурманская падсветка, кандыцыянер і бартавы камп'ютар з дысплеем. У якасці опцый можна ўзяць, у прыватнасці, святладыёдныя фары, круіз-кантроль, мультымедыйную сістэму і аздабленне салона з тканіны і скуры.

Новы Ceed SW створаны на новай глабальнай платформе К2 і прайшоў адаптацыю да ўмоў краін СНД: дарожны прасвет павялічаны на 10 мм у параўнанні з еўрапейскай спецыфікацыяй, праведзена пераналадка спружын і амартызатараў, вызначаныя найбольш запатрабаваныя опцыі. Перавагай ўніверсала выступае самы вялікі ў сваім сегменце аб'ём багажнага адсека — 625 літраў, без задняга шэрагу — 1 694 літры.

«Мы пастаўляем KIA Ceed і Ceed SW з завода ў Славакіі. На ўсе аўтамабілі дзейнічае ўнікальная для Беларусі гарантыя — 150000 км прабегу або 5 гадоў, у залежнасці ад таго, што наступіць раней. Папярэднія пакаленні Ceed ўжо даказалі сваю надзейнасць, так што ў нас няма сумневаў, што і навінка пакажа сябе добра на беларускіх дарогах», — упэўненыя ў аўтацэнтры KIA «Атлант-М на Незалежнасці». — Пры гэтым траціна аўтамабіляў з першай партыі ўжо раскуплена. Мы плануем пастаўляць новае пакаленне Ceed на пастаяннай аснове, таму ў бліжэйшы час беларускі рынак чакаюць дадатковыя пастаўкі».

0
Дзядзька / адказаць
25.05.2019 / 15:42
Дзе фотачкі??
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
май чэрвень ліпень
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30