Даслаць навіну
Знайсці
24.05.2019 / 21:22 1

Ужо пяць чалавек пакаралі штрафамі за Чарнобыльскі шлях

Па 510 рублёў штрафу атрымалі яшчэ два ўдзельнікі несанкцыянаванай акцыі 26 красавіка ў Менску. Менчукоў Юлію Ляшкевіч і Дзьмітрыя Кучука, намесьніка старшыні партыі «Зялёныя», абвінавацілі ў зьдзяйсьненьні правапарушэньня, прадугледжанага артыкулам 23.34 КаАП (парушэньне парадку арганізацыі або правядзеньня масавых мерапрыемстваў). Працэсы над імі адбыліся ў Цэнтральным судзе Менску, піша «Радыё Свабода».

Павялічыць выяву

Юлія Ляшкевіч распавяла «Свабодзе» падрабязнасьці працэсу.

«Мяне судзіла Вікторыя Шабуня, а сьведчылі два міліцыянты. Прычым адзін зь іх, маладзейшы, дакладна адказаў на пытаньне, з якой нагоды адбылася акцыя — што ў памяць пра Чарнобыльскую катастрофу. То бок разумеюць, за што караюць. Нагадала суду, што ў той дзень МУС праводзіў маленьне ў памяць пра загінулых ад Чарнобыля міліцыянтаў. Але ж загінулі ня толькі міліцыянты — пра іх, значыць, гаварыць нельга», — кажа Юлія Ляшкевіч.

Ці будзе абскарджваць пастанову суду, жанчына яшчэ ня вырашыла. «Удзел у шэсьці я прызнала, але віны не прызнаю».

Дзьмітрый Кучук таксама не зьбіраецца абскарджваць рашэньне суду.

На дадзены момант вядома пра пакараньне 5 удзельнікаў акцыі. Апроч Ляшкевіч і Кучука, гэта пэнсіянэрка з Асіповіч Тацяна Барэль (аштрафаваная на 328,5 рубля), незалежны эканаміст Сяргей Чалы (328,5 рубля), невядомы малады чалавек з плякатам, якога судзілі ў Першамайскім судзе (255 рублёў).

Выканаўца абавязкаў старшыні АГП Мікалай Казлоў таксама атрымаў для азнаямленьня складзены на яго пратакол за 26 красавіка.

«Яшчэ не праглядаў, на мяне шмат пратаколаў», — сказаў Свабодзе Мікалай Казлоў.

«Чарнобыльскім шляхам» прайшлі каля 30 чалавек

На ўгодкі аварыі на Чарнобыльскай АЭС у Менску штогод ад 1989 году традыцыйна праходзіў Чарнобыльскі шлях — акцыя памяці ладзілася без удзелу дзяржавы, але ўлады амаль заўсёды дазвалялі яе. Заяўку на мітынг і шэсьце ў 2019 годзе адклікалі празь нежаданьне плаціць міліцыі за абавязковую ахову. Акцыя прайшла несанкцыянавана, але затрыманьняў не было.

Радыё Свабода

0
меркаванне / адказаць
25.05.2019 / 09:41
Хай дададуць у той фільм "Чарнобыль" з Уотсан і гэтую праўду жыцця, каб не думалі ва ўсім свеце, што тут кардынальна нешта змянілася з часоў лжывай і подлай савецкай улады.
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
май чэрвень ліпень
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30