Даслаць навіну
Знайсці
24.05.2019 / 15:27 18

Мінчука асудзілі на 3 гады «хіміі» за антырасейскія выказванні ў інстаграме

Павялічыць выяву

На фота: абвінавачваны (справа).

23 мая Мінскі гарадскі суд вынес прыгавор па справе 45-гадовага мінчука Змітра К. Мужчыну абвінавацілі па частцы 1 артыкула 130 Крымінальнага кодэкса за распальванне нацыянальнай варожасці. Нагодай для абвінавачання стаў каментарый на адрас расейцаў з выкарыстаннем абразлівых мянушак.

Мінчук атрымаў тры гады абмежавання волі з накіраваннем ва ўстанову адкрытага тыпу — на так званую «хімію», піша Еўрарадыё.

У Змітра — цяжарная жонка і невялікі ўласны бізнес. 

Зміцер выступае супраць дзеянняў Расіі ва Украіне і «імперскасці». На яго старонцы ў Instagram — фота з «Пагоняй», ён называе сябе патрыётам Беларусі. Таксама там ёсць здымкі са сцягам украінскага «Правага сектара».

Павялічыць выяву

Павялічыць выяву

На здымку, каментар да якога стаў аб'ектам судовага разбіральніцтва, венгерскія вайскоўцы перадаюць зброю ўкраінскім салдатам. Зміцер змясціў яго на сваёй старонцы ў кастрычніку 2017 года, а ў каментары да выявы напісаў пра сваё стаўленне: вось, маўляў, «выдатная касілка» супраць м… і с…

Праз некалькі месяцаў мужчыну патэлефанавалі са Следчага камітэта. Супраць яго была заведзеная крымінальная справа за распальванне нянавісці. Расследаванне і суд агулам цягнуліся 10 месяцаў.

«У справе ёсць 80 старонак лінгвістычнай экспертызы. Там некалькі прафесараў разважаюць пра тое, хто такі маскаль. Творы Тараса Шаўчэнкі разглядаюць. І прыходзяць да высновы, што фраза «Кожны маскаль павінен быць знішчаны» з’яўляецца абагульняльнай — абагульняе ўсю нацыю ў цэлым. Гэта значыць, я заклікаю да нацыянальнай варожасці, — распавядае Еўрарадыё Зміцер К. — Гэта доўжылася 10 месяцаў — я да іх хадзіў як на працу. Пяць псіхіятраў зрабілі маю псіхіятрычную экспертызу: які ў мяне настрой, чаму я сябе так паводжу, як я магу так абагульняць».

Павялічыць выяву

Зміцер расказвае, што раней дапамагаў міліцыі вылічваць беларускіх наймітаў, якія ўдзельнічалі ў баявых дзеяннях на баку самаабвешчаных «ДНР» і «ЛНР», а цяпер сам стаў аб'ектам следства.

Прысуд пакуль не набыў моц, Зміцер К. збіраецца яго абскарджваць.

Паводле: Раман Пратасевіч, Еўрарадыё

5
maha / адказаць
24.05.2019 / 23:42
як на беларускамоўных беларусаў у Беларусі можаш казаць усё, што хочаш. На цябе і фашыст, і нацык , і бульбаш, і мова твая паскудная, і дзяцей у сад на белмову не адправіш - і нічога, ніякіх хімій. а тут абсалютна нармальнае слова, хто дзе яго калі забараніў? калі гэты этнацыд скончыцца? робяць калонію з краіны
0
Алесь Раткевіч / адказаць
26.05.2019 / 11:09
maha,Так! Мы не гаспадары ўжо ў сваёй хаце. Нас брудам могуць абліваць усе,нават і кітайцы! І гэта лічыцца нормай. А калі мы ў адказ вузкавокім,альбо маскалём каго назавём,то мы ЭКСТРЭМІСТЫ!!!!!!!!!!!!! Як крыўдна!!!!!!!!!  Асудзілі чалавека! За што?У розных стужках тое  што пішуць прыхільнікі рускага міру ужо далёка перажаргнулі ўсе межы звычайнага распальвання варожасці! Яны вядуць вогулі ўжо адкрытую ВАЙНУ з іншадумцамі з пастаяннымі не то што абразамі а і пагрозамі! Я раю зазірнуць усім і спецслужбам у першую чаргу вось ў гэты гадзюшнік: https:/...................................  ТУТ ПРОСТА ЖАХ ШТО РОБІЦЦА! Больш за трыста тысяч экстрэмістскіх каментароў! Больш за трыста падзялілася! Праглядаў магчыма з мільён! Там столькі правакацый, абразаў і пагроз ў бок беларусаў і украінцаў што пра нейкія сяброўскія адносіны ўжо і думаць не прыходзіцца. Варожасць перапаўняе ўсе межы! 
4
PS.KOLTSOV / адказаць
26.05.2019 / 23:30
Читал и думал,как же ты засветился? В конце статьи ответ-помогал милиции....
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
май чэрвень ліпень
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30