З'явілася ВІДЭА вяселля Патапа і Насці Каменскіх
Урачыстасць адбылася 23 траўня ў Кіеве ў італьянскім рэстаране на ўскрайку сасновага бору.
Чуткі пра тое, што Патап і Насця Каменскіх звязаныя не толькі працоўнымі адносінамі, з'явіліся даўно. З самага пачатку ўкраінскаму дуэту прыпісвалі раман, і нядаўна стала вядома, што яны ўсё-ткі разам.
Вяселле адбылося 23 траўня ў Кіеве ў італьянскім рэстаране на ўскрайку сасновага бору. Насця Каменскіх апублікавала відэа з цырымоніі.
Маладыя абмяняліся кольцамі ў прысутнасці родных і сяброў пад аркай.
Артысты таксама разам выканалі песню. «Не магу паверыць, што мы зрабілі гэта», — піша Наста.
А затым і вясельны танец.
Пара доўга трымала свае адносіны ў сакрэце і да апошняга не афішавала будучае вяселле. Нават запрашэнні на ўрачыстасць былі зашыфраваныя, а гасцей папрасілі трымаць язык за зубамі.
