Даслаць навіну
Знайсці
22.05.2019 / 12:46 5

Расійскія сілавікі затрымалі 32-гадовага беларускага бізнэсмена: «Вылечыў 11 тысяч здаровых людзей»

Па інфармацыі выдання «Коммерсант», МУС Расіі падазрае ўладальніка сталічнага шматпрофільнага медыцынскага цэнтра «Ф Клінікс» Паўла Фралова ў арганізацыі маштабнай, федэральнага ўзроўню афёры па аказанні дарагой, але цалкам непатрэбнай медыцынскай дапамогі.

Фралоў - грамадзянін Беларусі, які жыве ў Маскве. Па версіі паліцыі, падкантрольным Фралову дактарам у розных гарадах Расіі ўдалося «вылечыць» больш за 11 тысяч здаровых грамадзян і атрымаць з іх за гэта каля 1 мільярда расійскіх рублёў (больш за $15 мільёнаў). Прадстаўнікі бізнэсмена перакананыя, што той не меў дачынення да махінацый, а скаргі на яго былі ініцыяваныя канкурэнтамі.

Вядома, што Фралоў меў сетку медыцынскіх устаноў, якія дзейнічалі ў некалькіх гарадах Расіі.

Сілавікі лічаць, што з кол-цэнтраў Фралова тэлефанавалі старым, пераконвалі тых, што варта прайсці медагляд менавіта ў іх медклініках. Пасля ў кліентаў «знаходзілі» хваробы і пачыналі «лячэнне». Калі грошай у людзей не было, то супрацоўнікі клінік Фралова дапамагалі «пацыентам» аформіць крэдыты ў банках. Агулам пацярпела каля 11 тысяч чалавек.

Па справе затрымалі ўжо 25 чалавек — і затрыманні працягваюцца.

Затрымалі Фралова ў Маскве, пасля чаго адправілі ў Чувашыю, у горад Чабаксары. Там суд вырашыў змясціць Фралова пад варту на два месяцы. Справа ў тым, што мясцовыя следчыя падазраюць бізнэсмена ў махлярстве ў асабліва буйных памерах, ён можа сесці на 10 гадоў.

Адвакат Фралова сцвярджае, што яго кліент адкрыў толькі маскоўскую клініку, а пра дзейнасць іншых медцэнтраў — у тым ліку і чувашскага — не ведаў.

«Улічваючы міжрэгіянальны характар меркаваных злачынстваў, крымінальную справу з Чувашыі неўзабаве можа быць перададзена ў следчы дэпартамент МУС, дзе яго перакваліфікуюць на арт. 210 КК Расіі (арганізацыя злачыннай супольнасці або ўдзел у ёй)», — піша «Коммерсант». А гэта ўжо — да 25 гадоў пазбаўлення волі.

2
metsavend / адказаць
22.05.2019 / 20:31
Какая чушь! Разве в РФ есть здоровые люди? Там все больны в той или иной степени. Больны физически, морально, психически, но абсолютно всё население империи больно, тяжело и неизлечимо. 
0
Святлана / адказаць
22.05.2019 / 21:49
Цёмная справа....
0
Driver / адказаць
23.05.2019 / 09:57
Ну, што ж ты, Паўлік, не падзяліўся...
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
май чэрвень ліпень
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30