Даслаць навіну
Знайсці
22.05.2019 / 10:24 8

Самым паспяховым і ўплывовым бізнэсменам Беларусі — 2019 стаў Аляксандр Машэнскі

Другі год запар асноўны ўладальнік кампаній «Санта Брэмар» і «Савушкаў прадукт» Аляксандр Машэнскі ўзначальвае топ-200 паспяховых і ўплывовых бізнесменаў Беларусі, які штогод складае партал «Штодзённік».

Лідар рэйтынгу Аляксандр Машэнскі летась стаў хэдлайнерам самых значных M&A-здзелак на беларускім рынку. Прычым берасцеец «адзначыўся» адразу ў двух яго сегментах — у малакаперапрацоўчым і ў розніцы.

Павялічыць выяву

Аляксандр Машэнскі.

Каб рэанімаваць сваю даўнюю ідэю стварэння нацыянальнай малочнай кампаніі, якая на гэты раз падтрымана ўладамі, на працягу 2018 года Аляксандр Машэнскі атрымаў кантроль над двума буйнымі дзяржаўнымі малакаперапрацоўчымі прадпрыемствамі — у Бярозе і Оршы. Наступнай яго мэтай з'яўляецца Баранавіцкі малочны камбінат, акцыі якога бізнэсмен скупляе ў гэтым годзе. Бізнэсмен не выключае, што малочны праект у хуткім часе можа выйсці на міжнародны ўзровень. Паводле яго слоў, кампанія па-ранейшаму разглядае прапановы аб інвестыцыях у greenfield і аб куплі дзейных бізнэсаў на рынках прысутнасці — у Расіі і Украіне. Дарэчы, на расійскім рынку аб'яднаны бізнэс «Савушкавага прадукта», «Санта Брэмара» і рыбаперапрацоўчага вытворчага актыву «Рускага мора» займае другое месца па выручцы (па дадзеных на 2017 год) сярод кампаній з беларускім капіталам. Вышэй толькі БелАЗ, а кампаніі Аляксандра Машэнскага апярэджваюць па продажах даччыныя структуры БМЗ, «Белнафтахіма», МТЗ, МАЗ, Беларускай нафтавай кампаніі і «Беларуснафты».

У розніцы бізнэсмен летась атрымаў кантроль над крамамі «Рублёўскі». Здзелка дазволіла ўвайсці не толькі на сталічны рынак, дзе ў асноўным канцэнтруюцца крамы гэтай сеткі, але і ў топ-5 найбуйнейшых рэтэйлераў краіны.

Чытайце. Аляксандр Машэнскі: гісторыя жыцця галоўнага малочніка Лукашэнкі

Другое і трэцяе месцы ў абноўленым топе занялі Аркадзь Добкін і Віктар Кіслы, у топ-10 упершыню ўвайшоў Віктар Пракапеня. У цэлым колькасць прадстаўнікоў IT-сектара і інвестараў у яго вырасла.

Нельга не заўважыць рыўка «маладых ільвоў», да якіх адносяць Аляксея Алексіна і Аляксандра Зайцава. І калі Аляксей Алексін вядомы даўно і толькі ўмацаваў пазіцыі, стаўшы галоўным бенефіцыярам па некалькіх указах прэзідэнта (па тытуні і мытным сэрвісе), то Аляксандр Зайцаў на гэты раз пасунуў у спісе многія фактурныя фігуры. Бізнэсмен за вельмі кароткі тэрмін стварыў кангламерат, у які ўваходзяць актывы ў лагістыцы, угнаеннях, горнаруднай галіне, спорце і нават у вытворчасці ўзбраенняў. Яго кампаніі — адны з галоўных правадыроў інтарэсаў Беларусі на афрыканскім кантыненце.

Рэйтынг пашырыўся за кошт некалькіх новых прозвішчаў бізнэсменаў, якія маюць пашпарты грамадзяніна Беларусі, але ў асноўным працуюць на суседніх рынках — у Расіі і Украіне. Па прозвішчах ў цэлым новы топ-200 абнавіўся больш чым на чвэрць.

Вадзім Сяховіч, Ej.by

0
счётчик Гейгера / адказаць
22.05.2019 / 14:28
Если бы мне кто-то дал право МОНОПОЛЬНО ввозить рыбу в Брестскую и Гродненскую области в теченни 10 лет, Я бы также был не хуже...Вот только КТО меня с моей моралью допустит...
Все финансовые потоки в Беларуси разделены и поделены СВОИМИ , другим НЕ дадут сунуться, а за это - ПЛАТИ !!! аДкатики..
0
litvin Babrujskaha pavietu / адказаць
22.05.2019 / 15:10
  "Пасьпяховы" і "уплывовы" - "па ўказах"...  Трампу такое і ня сьнілася....
0
Спартовец / адказаць
24.05.2019 / 18:31
Самаму паспяховаму бізнэсоўцу Беларусі не стае грошай на беларускую мову на сваёй прадукцыі! Усё, што трэба ведаць))
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
май чэрвень ліпень
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30