У Мінску вынеслі прысуд 10-класніку за напад у школе
17 мая суд Савецкага раёна сталіцы вынес прыгавор 16-гадоваму школьніку, паведамляе Tut.by са спасылкай на прэс-службу. Яго прызналі вінаватым ў збіцці іншага падлетка і пакаралі абмежаваннем вольнага часу.
Паводле абвінавачання, 16 лістапада ў сярэдняй школе №66 на глебе асабістых непрыязных адносін здарылася сварка старшакласніка з іншым вучнем. Першы не менш за пяць разоў ударыў другога рукамі па шыі, галаве і ў твар, а таксама сілай утрымліваў за нагу.
У выніку пацярпелы школьнік атрымаў траўмы, якія адносяцца да катэгорыі менш цяжкіх (працягласць расстройства здароўя тэрмінам да 4 месяцаў).
Па прыгаворы суда, школьніку абмяжуюць свабоду вольнага часу на тэрмін 6 месяцаў. Цяпер ён абавязаны выконваць парадак выкарыстання вольнага ад вучобы часу, абмежавана яго знаходжанне па-за домам у перыяд з 22.00 да 06.00, забаронена хадзіць у кафэ і іншыя грамадскія месцы, дзе на разліў прадаюць спіртное ці піва.
Прысуд яшчэ не ўступіў у сілу і можа быць абскарджаны.