Даслаць навіну
Знайсці
19.05.2019 / 16:54

Беларусь узгадніла з Расіяй дарожную карту па ўрэгуляванні сітуацыі з нафтай

Павялічыць

Беларускі бок узгадніў праект дарожнай карты з РФ па ўрэгуляванні сітуацыі з пастаўкамі нафты і прыступіў да яго рэалізацыі, паведаміў карэспандэнту БЕЛТА намеснік прэм'ер-міністра Беларусі Ігар Ляшэнка.

Паводле яго, рэалізацыя мерапрыемстваў, прадугледжаных дарожнай картай, прадугледжвае забеспячэнне сыравінай беларускіх НПЗ і аднаўленне транзітнай транспарціроўкі расійскай нафты ў напрамку еўрапейскіх дзяржаў.

«Разумеючы важнасць гэтага дакумента і неабходнасць яго строгага выканання ўсімі бакамі, я прапанаваў ухваліць дарожную карту на ўзроўні віцэ-прэм'ераў нашых дзяржаў. Са свайго боку мы ўзгаднілі праект дарожнай карты і накіравалі для падпісання [віцэ-прэм'еру РФ] Дзмітрыю Козаку», — праінфармаваў Ігар Ляшэнка.

Пры гэтым ён падкрэсліў, што беларускі бок ужо прыступіў да выканання першапачатковых крокаў дарожнай карты.

Беларускі бок таксама прапануе ў максімальна кароткія тэрміны павялічыць аб'ём пастаўкі нафты на ААТ «Нафтан». «Мы таксама яшчэ раз праінфармавалі нашых расійскіх калег, што беларускі бок гатовы прымаць для перапрацоўкі ў ААТ «Нафтан» большы, чым цяпер, аб'ём расійскай нафты, якая пастаўляецца па маршруце Невель — Полацк — «Нафтан», і прапануе ў максімальна кароткія тэрміны павялічыць аб'ём яе пастаўкі, не ўвязваючы гэты крок з выкананнем іншых мерапрыемстваў», — адзначыў Ігар Ляшэнка.

Як паведамлялася, канцэрн «Белнафтахім» 19 красавіка заявіў аб рэзкім пагаршэнні якасці расійскай нафты Urals, якая паступае транзітам ва ўчастак магістральнага нафтаправода ААТ «Гомельтранснафта Дружба». Доля хлорарганічных злучэнняў у нафте перавышала ў дзесяткі разоў гранічныя значэнні па стандарту. Чыстая нафта паступіла на мяжу Беларусі па нафтаправодзе «Дружба» 2 мая.

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31