Ужо чацвёрты дэпутат Палаты прадстаўнікоў сышоў з парламента

Аляксандр Лукашэнка прызначыў старшынёй Іванаўскага райвыканкама Анатоля Ткачука. Да гэтага моманту ён быў дэпутатам Палаты прадстаўнікоў, але ад Івацэвічаў.

Ткачуку 57 гадоў, ён нарадзіўся ў вёсцы Дастоева Іванаўскага раёна Брэсцкай вобласці.

Рабіў сельскагаспадарчую кар'еру ў родным раёне, пасля стаў кіраўніком Івацэвіцкага райвыканкама.

На гэты момант ужо тры дэпутаты Палаты прадстаўнікоў склалі свае паўнамоцтвы. Дзмітрый Заблоцкі стаў кіраўніком Жодзіна, Валянцін Мілашэўскі — кіраўніком адміністрацыі Ленінскага раёна Брэста, а Іван Маркевіч — намеснікам старшыні Мінскага аблвыканкама.

БЮ

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0