Даслаць навіну
Знайсці
15.05.2019 / 14:31 75

Мінчук, які вывесіў партрэт Сталіна на Партызанскім праспекце: «Якая мы, бл…ь, не Расія?»

У адным з дамоў па Партызанскім праспекце ў Мінску вывесілі ў акне чырвоны сцяг, а таксама партрэт савецкага правадыра Іосіфа Сталіна. «НН» даведалася, што за гэтым учынкам стаіць 45-гадовы Андрэй Хамянок.

Павялічыць выяву

Андрэй Хамянок. Фота vk.com.

Мы патэлефанавалі спадару Хамянку, каб ён патлумачыў, што стаіць за ягоным флэш-мобам.

«Наша Ніва»: Чаму ў вашым акне з’явіўся партрэт Сталіна?

Андрэй Хамянок: Мы ўсе выйшлі з СССР. Мой адзін дзед абараняў Ленінград, ён рабіў гэта ў імя расійскага, ой, прабачце, савецкага народа, які перамог у вайне. Ваяваў ён з імем Сталіна на вуснах. Другі мой дзед быў паранены да канца жыцця. Паранены, абараняючы наш Крымскі паўвостраў. Якія могуць быць пытанні?

«НН»: Але нават у СССР, з якога вы родам, быў ХХ з’езд КПСС, на якім асуджаўся культ асобы Сталіна.

АХ: Я рашэнні гэтага з’езда не прымаю. Мой дзед усё жыццё вазіў з сабой медаль на прыборнай панэлі свайго аўтамабіля з партрэтам Сталіна. Якія пытанні? Скончыцца май — я здыму партрэт і сцяг. Гэта мая грамадзянская пазіцыя. Здаецца, Аляксандр Рыгоравіч наш, усенароднаабраны прэзідэнт, абазначыў сваю пазіцыю, што мы недаацэньваем ролю гэтай вялікай асобы ў гісторыі. Толькі апошнім часам яго сталі крыху прыўздымаць.

«НН»: Вы чулі нешта пра Курапаты?

АХ: Пра каго? Пра Карпаты? Гэта ўсё яшчэ не дакладна і не даказана. Гэта проста пункт гледжання, разумееце. Ваш пункт гледжання.

«НН»: У канцы 90-х афіцыйная камісія засведчыла, што там расстрэльвалі ў сталінскія часы.

АХ: Канец 90-х? Хто тады быў пры ўладзе? Барыс Мікалаевіч Ельцын быў. Дык Ельцын пад дыктоўку амерыканскага пасольства напісаў Канстытуцыю Расіі. І што пасля гэтага здарылася? Краіну, бл…ь, разрабавалі, алігархам усё раздалі. Усё цяпер знаходзіцца ў афшорах. Народ жабрацкі. Пуцін усё кажа: давайце паднаціснем, паднаціснем, пенсійны ўзрост павялічылі. Пры Сталіне, прабачце, пенсійны ўзрост быў 60 гадоў!

«НН»: Пуціна вы падтрымліваеце?

АХ: Не, я яго не разумею.

«НН»: Рэпрэсіі вас не спыняюць у шанаванні Сталіна?

Павялічыць выяву

Той самы дом са Сталіным. Фота Радыё «Свабода».

АХ: Разумееце, рэпрэсіі… Быў такі час, што лес рубяць і шчэпкі ляцелі. Мая бабуля пацярпела ад рэпрэсій, але яна не адчувала ніякага негатыву да тагачаснага правадыра. Усё, што мы сёння маем: усе заводы, прамысловыя аб’екты, — яны пабудаваныя ў часы Сталіна. Тады мы зрабілі наймацнейшы рывок у эканоміцы, палітыцы, культуры. Цяпер нас заганяюць на такі ўзровень, што мы не ўздымемся ніколі. Але Расію заўсёды нешта ратавала…

«НН»: Стоп, мы ж не Расія.

АХ: Ну якая мы, бл…ь, не Расія? Велікаросія, Маларосія, Беларусія. Якая мы не Расія?

«НН»: Паглядзіце палітычную карту свету, каб пераканацца.

АХ: Мы адзіны рускі народ: беларусы, рускія і ўкраінцы. Розныя пакоі ў адной кватэры.

Гутарыў Зміцер Панкавец

3
maha / адказаць
20.05.2019 / 12:08
навошта браць у яго інтэрв'ю.  і чаму яго не судзяць за маты
4
Elena / адказаць
20.05.2019 / 20:33
Хочу поинтересоваться, в каком месте вы разместили мой вчерашний комментарий??
2
серг / адказаць
21.05.2019 / 07:32
Emitedoroom, сказочный д-----б. 
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31